Псалтыр 51 псалом
Псалтыр
Пераклад Яна Станкевіча → Пераклад Антонія Бокуна
Кіраўніку хору. Псальма Давідава,
Кіраўніку хору. Псальм Давіда,
Як Нафан прарока прыходзіў да яго, просьле тога, як ён увыйшоў да Бат-Шэвы.
калі прарок Натан прыйшоў да яго пасьля таго, як ён увайшоў да Батшэвы.
Зьмілуйся над імною, Божа, подле ласкі Свае; подле множасьці міласэрдзя Свайго затры выступы мае.
Зьлітуйся нада мною, Божа, паводле міласэрнасьці Тваёй, і праз вялікую літасьць Тваю даруй правіны мае!
Шмат разоў абмый мяне з бяспраўя майго і з грэху майго ачысьці мяне.
Абмый мяне ўсяго ад беззаконьня майго і ачысьці мяне ад грэху майго.
Бо выступ свой я ведаю, і мой грэх кажначасна перад імною.
Бо я ведаю правіну маю, і грэх мой перада мною заўсёды.
Табе, Табе аднаму я ізграшыў і благое ў ваччу Тваім зрабіў, так што Ты справядлівы ў слове Сваім і беззаганны ў судзе Сваім.
Супраць Цябе, толькі супраць Цябе саграшыў я і ліхое ўчыніў перад вачыма Тваімі, бо Ты праведны ў словах Тваіх і чысты ў судзе Тваім.
Вось, у бяспраўю я створаны, у грэсе зачала мяне маці мая.
Вось, я ў беззаконьні нарадзіўся, і ў грэху зачала мяне маці мая.
Вось, Ты жадаеш праўды ў нутру і схаваную мудрасьць аб’явіў імне.
Вось, Табе даспадобы праўда ў нутры, дык дай мне пазнаць мудрасьць у сэрцы маім.
Разграшы мяне гізопам, і буду чысты; абмый мяне, і буду бельшы за сьнег.
Акрапі мяне ізопам, каб я ачысьціўся; абмый мяне, каб я стаўся бялейшым за сьнег.
Дай імне пачуць радасьць а весялосьць, няхай ушчоляць косьці, Табою пакрышаныя.
Дай мне пачуць радасьць і вясёласьць, каб узьвесяліліся косткі, якія Ты скрышыў.
Схавай від Свой ад грахоў маіх і ўсі бяспраўі мае затры.
Адвярні аблічча Тваё ад грахоў маіх і прабач мне ўсе беззаконьні мае.
Сэрца чыстае ствары ў імне, Божа, і дух шчыры аднаві ў імне.
Сэрца чыстае ствары ў-ва мне, Божа, і дух упэўнены аднаві ў-ва мне.
Не адкінь мяне ад відзеньня Свайго й Духа Сьвятога Свайго не адбірай ад мяне.
Не адкінь Ты мяне ад аблічча Твайго і Духа Сьвятога Твайго не забірай у мяне!
Зьвярні імне радасьць спасеньня Свайго й духам ахвотным паддзяржы мяне.
Вярні мне радасьць збаўленьня Твайго, і духам шляхетным падтрымай мяне,
Буду вучыць выступнікаў дарогаў Тваіх, і грэшнікі да Цябе будуць наварачацца.
і я буду навучаць адступнікаў шляхам Тваім, і грэшнікі вернуцца да Цябе.
Вывальні мяне ад крыві, о Божа, Божа спасеньня майго, і пяяць будзе язык мой справядлівасьць Тваю.
Вызваль мяне ад [віны] за кроў, Божа, Бог выратаваньня майго, і язык мой будзе крычаць пра праведнасьць Тваю.
Адчыні вусны мае, Спадару, і мой рот выкажа хвалу Тваю.
Адчыні, Госпадзе, вусны мае, і вусны мае будуць абвяшчаць хвалу Тваю.
Бо Ты ня хочаш аброку; я аброк бы ўсепаленьне, Табе ня будзе прыемна.
Бо Ты не жадаеш ахвяраў, хоць бы я іх даў, і цэласпаленьні не даспадобы Табе.
Аброкі Богу — дух зломлены, сэрцам зломленым а пакрышаным Бог не пагрэбуе.
Ахвяра для Бога — скрышаны дух; сэрцам скрышаным і зламаным Ты, Божа, не пагарджаеш!
Добра ўчыні Сыёну подле зычаньня Свайго, пабудуй сьцены Ерузаліму;
Рабі добрае Сыёну паводле ласкі Тваёй, збудуй муры Ерусаліму.
Тады Ты захочаш аброкаў справядлівасьці, усепаленьня а цэлых аброкаў; тады ўзьнясуць цяляты на аброчнік Твой.
Тады будуць Табе даспадобы ахвяры праведнасьці, цэласпаленьні і ахвяры дасканалыя; тады быкоў узьнясуць на ахвярнік Твой.
