Псалтыр 135 псалом
Псалтыр
Пераклад Яна Станкевіча → Пераклад Антонія Бокуна
Галілуя. Хваліце імя СПАДАРОВА, хваліце, слугі СПАДАРОВЫ,
Альлелюя! Хвалеце імя ГОСПАДА, хвалеце, слугі ГОСПАДА,
У доме СПАДАРОВЫМ стаячыя, на панадворках дому Бога нашага.
якія стаіцё ў Доме ГОСПАДА, у панадворках Дому Бога нашага!
Галілуя, бо СПАДАР добры; пяіце хвалы імені Ягонаму, бо прыемнае;
Хвалеце ГОСПАДА, бо добры ГОСПАД; выслаўляйце імя Ягонае, бо яно цудоўнае.
Бо Якава абраў Сабе ЯГ, Ізраеля на Сваю апрычоную собскасьць;
Бо Якуба выбраў для Сябе ГОСПАД, Ізраіля — на ўласнасьць Сабе.
Бо я ведаю, што вялікі СПАДАР, і Спадар наш над усімі багамі.
Бо ведаю я, што ГОСПАД вялікі, і Госпад наш — па-над усімі багамі.
Усе, што хоча СПАДАР, тое робе на нябёсах і на зямлі, на морах і ў вусіх бяздоньнях.
Усё, што даспадобы ГОСПАДУ, робіць Ён у небе і на зямлі, у моры і ў-ва ўсіх бяздоньнях.
Ён прычыняе, што пары падыймаюцца ад канца зямлі, робе маланьні да дажджу, выводзе вецер із скарбніцаў Сваіх.
Ён уздымае хмары ад краю зямлі, робіць маланкі і дождж, выводзіць вецер са скарбніцы Сваёй.
Ён зразіў першакоў у Ягіпце, ад чалавека аж да статку.
Ён пабіў першародных у Эгіпце, ад чалавека і да скаціны.
Паслаў знакі а чудосы сярод цябе, Ягіпце, на Фараона а на ўсіх слугаў ягоных.
Ён паслаў знакі і цуды пасярод цябе, Эгіпце, над фараонам і ўсімі слугамі ягонымі.
Каторы зразіў шмат народаў і забіў дужых каралёў:
Ён пабіў шматлікія народы і забіў валадароў магутных:
Сыгона, караля Аморэйскага, Оґа, караля Вашанскага, і ўсі каралеўствы Канаанскія;
Сыгона, валадара Амарэйскага, і Ога, валадара Башану, і ўсе валадарствы Ханаану.
І даў зямлю іхную на спадак, на спадак Ізраелю, люду Свайму.
І аддаў зямлю іхнюю ў спадчыну, у спадчыну Ізраілю, народу Свайму.
Імя Твае, СПАДАРУ, на векі; памятка Твая, СПАДАРУ, ад пакаленьня аж да пакаленьня.
ГОСПАДЗЕ, імя Тваё на вякі! ГОСПАДЗЕ, памяць Твая з пакаленьня ў пакаленьне!
Бо будзе судзіць СПАДАР люд Свой і над слугамі сваімі будзе меці жаласьць.
Бо ГОСПАД будзе судзіць народ Свой і пашкадуе слугаў Сваіх.
Балваны паган срэбныя а залатыя, работа рук людзкіх.
Ідалы народаў — срэбра і золата, творы рук чалавечых.
Вусны ў іх, але ня гукаюць; вочы ў іх, але ня бачаць;
Маюць вусны, і не гавораць, маюць вочы, і ня бачаць;
Вушы ў іх, але ня ўважаюць, нават няма дыху ў ратох іхных.
маюць вушы, і ня чуюць, і духу няма ў вуснах іхніх.
Падобныя да іх будуць робячыя іх, кажны, што спадзяецца на іх.
Падобныя да іх будуць тыя, што робяць іх, усе, хто на іх спадзяецца.
Доме Ізраеляў! дабраслаўце СПАДАРА. Доме Ааронаў! дабраслаўце СПАДАРА.
Доме Ізраіля, дабраслаўляйце ГОСПАДА! Доме Аарона, дабраслаўляйце ГОСПАДА!
Доме Леваў! дабраслаўце СПАДАРА. Вы, што баіцеся СПАДАРА! Дабраслаўце СПАДАРА.
Доме Левія, дабраслаўляйце ГОСПАДА! Вы, што баіцёся ГОСПАДА, дабраслаўляйце ГОСПАДА!
Дабраславёны СПАДАР із Сыёну, Каторы жывець, у Ерузаліме. Галілуя!
Дабраслаўлёны ГОСПАД з Сыёну, Які жыве ў Ерусаліме! Альлелюя!
