Псалтыр 116 псалом
Псалтыр
Пераклад Яна Станкевіча → Пераклад Антонія Бокуна
Люблю, бо пачуў СПАДАР голас мой, маленьне мае,
Люблю ГОСПАДА, бо Ён пачуў голас мой і маленьне маё,
Бо прыхінуў вуха Свае да мяне, затым усі дні свае буду прыгукаць Яго.
бо Ён прыхіліў да мяне вуха Сваё ў дзень, калі я клікаў [Яго].
Сьмяротныя болі агарнулі мяне, шэолевы немарасьці стрэлі мяне; стрэлі мяне клопат а журба.
Ахапілі мяне путы сьмерці; мукі пякельныя адшукалі мяне; я знайшоў трывогу і смутак.
І гукаў я імя СПАДАРОВА: «Малю Цябе, СПАДАРУ, дай уцячы душы маёй».
І паклікаў я імя ГОСПАДА: «Выратуй, прашу, ГОСПАДЗЕ, душу маю!»
Ласкучынюшчы СПАДАР а справядлівы, і Бог наш спагадае.
Літасьцівы ГОСПАД і праведны, наш Бог міласьцівы.
Крые простых СПАДАР: я пагалеў, і Ён спас мяне.
ГОСПАД захоўвае неразумных; і калі зьнемагаю, Ён ратуе мяне.
Зьвярніся, душа мая, да супакою свайго, бо СПАДАР адплаціў табе,
Вярніся, душа мая, да супачынку твайго, бо ГОСПАД робіць добрае табе.
Бо Ты вывальніў душу маю ад сьмерці, вочы мае ад сьлёзаў, ногі мае ад спатыканьня.
Бо Ты выратаваў душу маю ад сьмерці, вочы мае — ад сьлёзаў, ногі мае — ад падзеньня.
Буду хадзіць перад СПАДАРОМ на землях жывых.
Буду хадзіць перад абліччам ГОСПАДА ў зямлі жывых.
Я верыў, затым я казаў: «Я вельма зьнемарашчаны».
Я веру, дык гавару: «Я моцна прыгнечаны».
Я сказаў у пасьпеху сваім: «Усі людзі манышы».
Я сказаў у зьбянтэжанасьці маёй: «Усе людзі хлусяць!»
Чым я адплачу СПАДАРУ за ўсі дабрадзействы Ягоныя імне?
Што я вярну ГОСПАДУ за ўсе дабрадзействы Ягоныя для мяне?
Чару спасеньня падыйму і імя СПАДАРОВА прыгукаю.
Келіх збаўленьня ўзьніму і імя ГОСПАДА буду клікаць.
Абятніцы свае СПАДАРУ споўню ў прытомнасьці ж усяго люду Ягонага.
Абяцаньні мае ГОСПАДУ споўню перад усім народам Ягоным.
Дарагая ў ваччу СПАДАРОВЫМ сьмерць дабрачэсьлівых Ягоных.
Каштоўная ў вачах ГОСПАДА сьмерць багабойных Ягоных.
Малю Цябе, СПАДАРУ, бо я слуга Твой, я слуга Твой, сын служэбкі Твае; Ты распутаў путы мае.
О ГОСПАДЗЕ! Я ж — слуга Твой, я — слуга Твой, сын служкі Тваёй! Ты разьбіў кайданы мае.
Табе абраку аброкі падзякі і імя СПАДАРОВА буду гукаць.
Табе ахвярую ахвяру падзякі і імя ГОСПАДА буду клікаць.
Абятніцы свае СПАДАРУ споўню ў прытомнасьці ж усяго люду Ягонага.
Абяцаньні мае ГОСПАДУ споўню перад усім народам Ягоным,
На панадворках дому СПАДАРОВАГА, сярод цябе, Ерузаліме. Галілуя!
у панадворках Дому ГОСПАДА, пасярод цябе, Ерусаліме! Альлелюя!
