Псалтыр 116 псалом
Псалтыр
Пераклад Чарняўскага 2017 → Пераклад Антонія Бокуна
Алілуя. Палюбіў я, бо выслухаў Госпад голас малення майго.
Люблю ГОСПАДА, бо Ён пачуў голас мой і маленьне маё,
Бо нахіліў вуха Сваё да мяне, калі прызываў я ў дні мае.
бо Ён прыхіліў да мяне вуха Сваё ў дзень, калі я клікаў [Яго].
Ахуталі мяне путы смерці і пакуты пякельныя нахлынулі на мяне. Натрапіў я на бяду і пакуту.
Ахапілі мяне путы сьмерці; мукі пякельныя адшукалі мяне; я знайшоў трывогу і смутак.
І стаў я прызываць імя Госпада: «О Божа, вызвалі душу маю».
І паклікаў я імя ГОСПАДА: «Выратуй, прашу, ГОСПАДЗЕ, душу маю!»
Міласэрны Бог і справядлівы, і Бог наш літасцівы.
Літасьцівы ГОСПАД і праведны, наш Бог міласьцівы.
Сцеражэ Госпад малых; быў я прыніжаны, а Ён даў мне збаўленне.
ГОСПАД захоўвае неразумных; і калі зьнемагаю, Ён ратуе мяне.
Вярніся, душа мая, да спачынку твайго, бо Госпад дабро ўчыніў табе;
Вярніся, душа мая, да супачынку твайго, бо ГОСПАД робіць добрае табе.
бо вырваў Ён душу маю ад смерці, вочы мае — ад слёз, ногі мае — ад падзення.
Бо Ты выратаваў душу маю ад сьмерці, вочы мае — ад сьлёзаў, ногі мае — ад падзеньня.
Буду хадзіць перад Госпадам у краіне жывых.
Буду хадзіць перад абліччам ГОСПАДА ў зямлі жывых.
Паверыў я, і таму прамовіў: «Прыніжаны я вельмі».
Я веру, дык гавару: «Я моцна прыгнечаны».
Я ў страху сваім сказаў: «Кожны чалавек ашуканец».
Я сказаў у зьбянтэжанасьці маёй: «Усе людзі хлусяць!»
Чым жа я аддам Госпаду за ўсё, што Ён аддаў мне?
Што я вярну ГОСПАДУ за ўсе дабрадзействы Ягоныя для мяне?
Вазьму келіх збаўлення і прызаву імя Госпада.
Келіх збаўленьня ўзьніму і імя ГОСПАДА буду клікаць.
Аддам абяцанні мае Госпаду перад усім народам Яго.
Абяцаньні мае ГОСПАДУ споўню перад усім народам Ягоным.
Дарагая ў вачах Госпада смерць Яго святых.
Каштоўная ў вачах ГОСПАДА сьмерць багабойных Ягоных.
Госпадзе, я слуга Твой, і сын служанкі Тваёй. Ты разарваў путы мае.
О ГОСПАДЗЕ! Я ж — слуга Твой, я — слуга Твой, сын служкі Тваёй! Ты разьбіў кайданы мае.
Злажу я Табе пахвальную ахвяру і прызаву імя Госпада.
Табе ахвярую ахвяру падзякі і імя ГОСПАДА буду клікаць.
Аддам абяцанні мае Госпаду перад усім народам Яго
Абяцаньні мае ГОСПАДУ споўню перад усім народам Ягоным,
на панадворку дому Госпада, пасярод цябе, Ерузалім.
у панадворках Дому ГОСПАДА, пасярод цябе, Ерусаліме! Альлелюя!
