Псалтыр 150 псалом

Псалтыр
Пераклад Чарняўскага 2017 → Пераклад Антонія Бокуна

 
 

Алілуя! Хваліце Госпада ў свяцілішчы Яго, хваліце Яго на апоры магуцця Яго.
 
Альлелюя! Хвалеце Бога ў сьвятыні Ягонай, хвалеце Яго ў прасьцягу моцы Ягонай!

Хваліце Яго ў магутнасцях Яго, хваліце Яго паводле мноства велічнасці Яго.
 
Хвалеце Яго за магутнасьць Ягоную; хвалеце Яго дзеля мноства велічы Ягонай!

Хваліце Яго гукам трубы, хваліце Яго гуслямі і цытрай,
 
Хвалеце Яго гукам трубаў, хвалеце Яго на псалтыры і гусьлях!

хваліце Яго бубнам і хорам, хваліце Яго на струнах і арганамі,
 
Хвалеце Яго з бубнамі і карагодамі; хвалеце Яго на струнах і жалейках!

хваліце Яго на мілагучных цымбалах і на цымбалах грукатлівых:
 
Хвалеце Яго на цымбалах гучных; хвалеце Яго на цымбалах галосных!

усё, што дыхае, хай хваліць Госпада! Алілуя!
 
Усякае дыханьне няхай хваліць ГОСПАДА! Альлелюя!