Псалтыр 113 псалом

Псалтыр
Пераклад Сабілы і Малахава → Пераклад Чарняўскага 2017

 
 

Хваліце вы Ягову! Хваліце (вы), слугі Яговы, хваліце Імя Яговы.
 
Алілуя. Хваліце, слугі Госпадавы, хваліце імя Госпада.

Хай будзе багаславёна Імя Яговы ад цяпер і на векі вякоў.
 
Хай будзе імя Госпада дабраслаўлёна з [гэтага] часу, цяпер і вечна.

Ад усходу сонца да захаду ягонага хай будзе праслаўлена Імя Яговы.
 
Ад усходу сонца і да захаду яго хай будзе ўслаўлена імя Госпада.

Высока над усімі народамі ёсьць Ягова, над нябёсамі Слава Ягоная.
 
Госпад узвышаны над усімі народамі, слава Яго над нябёсамі.

Хто ёсьць як Ягова, Бог наш, Які валадарыць у вышынí,
 
Хто ж, як Госпад Бог наш, Які жыве на вышынях?

Які сьхіляецца, каб агледзіць неба і зямлю,
 
І схіляецца, каб пазіраць на неба і на зямлю?

што з пылу падыймае ўбогага, узвышае з гною таго, хто ў вялікай патрэбе,
 
Падымае Ён з зямлі ўбогага, з гною выцягвае беднага,

каб пасадзіць яго з князямі, з князямі Ягонага народу,
 
каб памясціць яго з князямі, з князямі народа Свайго.

Які няплодную ўсяляе ў дом, як радасную матку сыноў. Хваліце вы Ягову!
 
Ён робіць так, што няплодная пасяляецца ў доме як маці, што радуецца сынам.