Псалтыр 113 псалом
Псалтыр
Пераклад Яна Станкевіча → Пераклад Чарняўскага 2017
Галілуя! Хваліце, слугі СПАДАРОВЫ, хваліце імя СПАДАРОВА;
Алілуя. Хваліце, слугі Госпадавы, хваліце імя Госпада.
Хай будзе дабраславёна імя СПАДАРОВА адгэтуль аж на векі;
Хай будзе імя Госпада дабраслаўлёна з [гэтага] часу, цяпер і вечна.
Ад усходу сонца аж да заходу ўслаўлена імя СПАДАРОВА.
Ад усходу сонца і да захаду яго хай будзе ўслаўлена імя Госпада.
Высокі над усімі народамі СПАДАР, над нябёсамі хвала Ягоная.
Госпад узвышаны над усімі народамі, слава Яго над нябёсамі.
Хто падобны да СПАДАРА, Бога нашага, Каторы жывець на вышыні,
Хто ж, як Госпад Бог наш, Які жыве на вышынях?
Каторы зьніжаецца, каб бачыць нябёсы й зямлю,
І схіляецца, каб пазіраць на неба і на зямлю?
Падыймае галечу з пылу, з кучы гною ўзносе ўбогага,
Падымае Ён з зямлі ўбогага, з гною выцягвае беднага,
Каб пасадзіць яго з князьмі, з князьмі люду Свайго.
каб памясціць яго з князямі, з князямі народа Свайго.
Садзе бясплодную дому вясёлаю маткаю дзяцей. Галілуя!
Ён робіць так, што няплодная пасяляецца ў доме як маці, што радуецца сынам.
