Псалтыр 67 псалом

Псалтыр
Пераклад Яна Станкевіча → Пераклад Чарняўскага 2017

 
 

Кіраўніку хору. На струнных снадзях. Псальма. Песьня.
 
Кіраўніку хору. На струнах. Псальм. Песня.

Хай Бог зьмілуецца над намі і дабраславе нас, зазьзяе відам Сваім над намі (Сэля),
 
Хай злітуецца Бог над намі і падабраславіць нас; хай пралье святло аблічча Свайго над намі,

Каб пазнаць на зямлі дарогу Тваю, сярод усіх народаў спасеньне Твае.
 
каб пазналі на зямлі шлях Твой, між усіх народаў — збаўленне Тваё.

Няхай хваляць Цябе люды, Божа; няхай хваляць Цябе ўсі людзі!
 
Хай вызнаюць Цябе народы, Божа; хай вызнаюць Цябе народы ўсе.

Няхай народы вяселяцца а пяюць, бо Ты судзіш людзёў справядліва й радзіш народы на зямлі. Сэля.
 
Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.

Няхай люды хваляць Цябе, Божа; няхай хваляць Цябе ўсі людзі!
 
Хай вызнаюць Цябе народы, Божа, хай вызнаюць Цябе народы ўсе.

Зямля дала свой урод: дабраславіў нас Бог, Бог наш.
 
Зямля дала плод свой; хай дабраславіць нас Бог, Бог наш,

Дабраславіў нас Бог, і будуць баяцца Яго ўсі канцы зямлі.
 
хай дабраславіць нас Бог, і няхай баяцца Яго ўсе канцы зямлі.