Псалтыр 124 псалом

Псалтыр
Пераклад Яна Станкевіча → Пераклад Чарняўскага 2017

 
 

Песьня на ўступцох. Давідава. Калі б не СПАДАР быў із намі, — хай жа скажа Ізраель, —
 
Песня ўзыходжання. Давідава. Калі б не Госпад быў з намі, хай скажа цяпер Ізраэль,

Калі б не СПАДАР быў із намі, як паўстаў на нас чалавек,
 
Калі б не Госпад быў з намі, калі людзі паўсталі супраць нас:

То жывых праглынулі б яны нас; як гнеў іхны ўзгарэўся на нас,
 
адразу праглынулі б яны нас жывымі, калі б разгарэлася іх абурэнне на нас,

То воды залілі б нас, рака перайшла б над душамі нашымі;
 
Напэўна, вада затапіла б нас, ручай праплыў бы праз душу нашу;

Тады прайшлі б над душою нашаю самадыйныя воды.
 
напэўна, праплылі б праз душу нашу бурлівыя воды.

Будзь дабраславёны, СПАДАРУ, што ня даў нас, як здабытак, на зубы іхныя.
 
Дабраславёны Госпад, Які не даў нас на здабычу ў зубы іх.

Душа наша, як птушка, уцякла з пасадкі паляўнічых; пасадка разьбіта, і мы ўцяклі.
 
Душа наша, як верабей, вырвалася з сіла птушкаловаў: сіло парвалася, а мы вызваліліся.

Помач наша ў імені СПАДАРОВЫМ, Каторы ўчыніў нябёсы й зямлю.
 
Успамога наша ў імю Госпада, Які стварыў неба і зямлю.