Псалтыр 91 псалом

Псалтыр
Пераклад Яна Станкевіча → Пераклад Чарняўскага 2017

 
 

Жывучы ў патайным схове Навышняга ў сьценю Ўсемагучага супачывае.
 
Хто жыве ў апецы Найвышэйшага і прабывае ў засені Усемагутнага,

Скажу СПАДАРУ: «Прытулішча а горад мой, Бог мой, — спадзяюся на Яго!»
 
кажа ён Госпаду: «Ты прыпынак мой і цвярдыня мая, Божа мой; я маю надзею на Яго».

Бо Ён вывальне цябе ад сеці паляўнічага, ад няшчаснага мору;
 
Бо Ён Сам вызваліць цябе з пасткі паляўнічых, ад нягоднага слова.

Пер’ям Сваім ахінець цябе, і пад крыламі Ягонымі схаваешся, шчыт а панцыр вернасьць Ягоная.
 
Агорне Ён цябе Сваімі крыламі, і пад пер’ем Яго схаваешся; шчыт і заслона — праўда Яго.

Не зьлякаешся жахаў ночы, стралы, што ляціць удзень,
 
Не будзеш баяцца жахаў начных, ані стралы, што ляціць удзень.

Мору, што ў цемні ходзе, зьнішчэньня, што пустоша паўднём.
 
Ані заразы, што бадзяецца ў цемры, ані пошасці, што пустошыць апоўдні.

Паваліцца ля боку твайго тысяча і дзесяць тысячаў па правай руццэ тваёй; але да цябе не дабліжыцца.
 
Хоць падзе пры баку тваім тысяча, а дзесяць тысяч праваруч, ты ўсцеражэшся.

Ты адно ачыма сваімі паглядзіш і заплату нягоднікаў пабачыш;
 
Сапраўды, пабачыш на ўласныя вочы, і паглядзіш на адплату грэшнікам.

Бо Ты, СПАДАРУ, прытулішча мае, — бо Навышняга ты ўстанавіў за схоў свой.
 
Бо Ты, Госпадзе, прыстанішча маё, учыніў ты Найвышэйшага паселішчам тваім.

Ня прыгодзіцца табе ліха, і ніякі выцень не дабліжыцца да будану твайго;
 
Не падступіцца да цябе ліха і бізун не наблізіцца да палаткі тваёй,

Бо Ён ангілам сваім раскажа празь цябе сьцерагчы цябе на ўсіх дарогах тваіх.
 
бо загадаў Ён анёлам сваім наконт цябе, каб сцераглі цябе на ўсіх тваіх дарогах.

На далонях панясуць цябе, каб ты ня выцяўся аб камень нагою сваёю.
 
На руках будуць насіць цябе, каб часам не скалечыў аб камень нагі сваёй.

На лява а гада наступіш; патопчаш левянё а смока.
 
На змяю і яшчарку наступіш, ды растопчаш ільва і дракона.

«За тое, што ён жадаў Мяне, выбаўлю яго; памяшчу яго на вышыні, бо ён пазнаў імя Мае.
 
Паколькі прытуліўся ён да Мяне, вызвалю яго; падтрымаю яго, бо спазнаў ён імя Маё.

Як загукае да Мяне, Я адкажу яму; Я буду зь ім у ватузе; выратую яго і ўшчу яго;
 
Будзе клікаць мяне, і Я выслухаю яго, у бядзе Я разам з ім, вырву яго і ўслаўлю яго.

Даўгімі днямі насычу яго, і пакажу яму спасеньне Свае».
 
Напоўню яго доўгасцю дзён і пакажу яму збаўленне Маё.