Псалтыр 146 псалом

Псалтыр
Пераклад Яна Станкевіча → Пераклад Чарняўскага 2017

 
 

Галілуя! Хвалі, душа мая, СПАДАРА.
 
Алілуя. Хвалі, душа мая, Госпада,

Буду хваліці СПАДАРА ў жыцьцю сваім; пеці буду хвалы Богу свайму, пакуль мае быцьцё.
 
буду хваліць Госпада пры жыцці маім, буду спяваць псальмы Богу майму, колькі жыць буду.

Не спадзявайцеся на князёў, на сына людзкога, у каторага нямя помачы.
 
Не ўскладайце надзею на князёў, на сына чалавечага, у якіх няма збаўлення.

Дух ягоны выходзе, ён зварачаецца да зямлі свае; таго самага дня думкі ягоныя гінуць.
 
Выйдзе дух яго і вернецца ён у сваю зямлю, у гэты дзень загінуць усе намеры яго.

Шчасьлівы, каму помач — Бог Якаваў, каторы спадзяецца на СПАДАРА, Бога свайго,
 
Шчасны той, каму Бог Якубаў успаможца, чыя надзея ў Госпадзе Богу сваім,

Каторы ўчыніў неба й зямлю, мора а ўсе, што ў ім, Каторы заховуе праўду на векі,
 
Які стварыў неба і зямлю, і мора ды ўсё, што ў іх ёсць; Які пільнуецца праўды вечна,

Каторы чыне суд уцісьненым, даець ежу галодным. СПАДАР разьвязуе вязьняў;
 
чыніць суд прыгнечаным, дае ежу тым, што прагнуць. Госпад вызваляе вязняў.

СПАДАР адчыняе вочы нявісным; СПАДАР прастае ўгнёных; СПАДАР любе справядлівых;
 
Госпад прасвятляе сляпых, Госпад выпрастоўвае сагнутых, Госпад любіць справядлівых.

СПАДАР крые чужаземцаў; сірату а ўдаву падпірае; а сьцежку бязбожных бурае.
 
Госпад апякуецца прыхаднямі, падтрымлівае сірату і ўдаву і знішчае дарогу грэшнікаў.

СПАДАР будзе караляваць на векі, Бог твой, Сыёне, у вусіх пакаленьнях. Галілуя!
 
Госпад валадарыць вечна, Бог твой, Сіёне, з пакалення ў пакаленне.