Псалтыр 83 псалом
Псалтыр
Пераклад Яна Станкевіча → Пераклад Чарняўскага 2017
Песьня. Псальма Асафова.
Песня. Псальм. Асафа.
Не маўчы Божа, не заставайся бязмоўны, ня будзь супакойным Божа!
Божа, не суцішвайся, не маўчы, не супакойвайся, Божа.
Бо, вось, непрыяцелі Твае заверашчэлі, і ненавідзячыя Цябе паднялі галаву;
Бо вось, загаманілі Твае непрыяцелі, і тыя, што ненавідзяць Цябе, паднялі галовы.
Супроці люду Твайго хітруюць ізраду, і радзіліся супроці тых, каторых Ты крыеш;
Учыняюць яны ліхую нараду супраць Твайго народа, радзяцца супраць тых, каго Ты ўхаваў.
Сказалі: «Пайдзіма й загубіма іх ад быцьця народам, каб наперад не ўспаміналася імя Ізраелява»;
Кажуць: «Ідземце і вынішчым іх з-паміж народаў і хай не ўпамінаецца больш імя Ізраэля».
Бо яны зрадзіліся адным сэрцам, супроці Цябе зрабілі змову:
Бо надумляюць яны адзінадушна, супраць Цябе ўсталёўваюць пагадненне;
Буданы Едома а Ізмайлаўцаў, Моаў а Гаґаране,
у паселішчы ідумеяў і ізмаэльцаў, маабіцян і агарэяў,
Ґевал а Амон а Амалік, Пілішчане із жыхарамі Тыру;
Гэбал і Амон ды Амалек, край Філістэя, з жыхарамі Тыра.
Асур таксама задзіночыўся зь імі; сталі плячуком сыном Лотавым. Сэля.
Таксама і асірыйцы здружыліся з імі і сталі паплечнікамі Лотавых сыноў.
Зрабі ім, як Мідзянам, як Сысэру, як Явіну ля цур’я Кішона,
Зрабі і гэтым, як зрабіў Мадыяну ці Сісару або Явіну над ручаём Кісон.
Каторыя загінулі ў Ендору, сталі гноям зямлі.
Яны загінулі каля Эн-Дора і сталіся гноем для зямлі.
Зрабі іх паном, як Орыву а як Зыву; але, усім князём іхным, як Зэве а Салмуну,
З князямі іх учыні падобна, як з Арэбам і Зэбам, як з Зэбахам і Салманам і з усімі іх князямі,
Каторыя казалі: «Увяжымася ў сялібы Божыя».
якія сказалі: «Успадкаемім сабе пашу Божую».
Божа Мой, зрабі іх коткімі, як жнеўнік перад ветрам.
Божа мой, зрабі іх падобнымі да кола і быццам саломінку на ветры.
Як цяпло пале лес, і як поламя запаляе горы,
Як агонь, што паліць лес, і як полымя, што абсмальвае горы,
Так жані іх ветрам Сваім і палохай гураґанам Сваім.
так пераследуй іх грымотамі Сваімі і бураю Сваёй стурбуй іх.
Напоўні віды іхныя сорамам, каб яны шукалі імені Твайго, СПАДАРУ!
Напоўні твары іх сорамам, і няхай прызываюць імя Тваё, Госпадзе.
Няхай будуць засаромлены а напалоханы на векі; але, няхай будуць паганьбены а загінуць.
Хай пачырванеюць і збянтэжацца на векі вечныя, і пасаромеюцца, і загінуць,
І няхай пазнаюць, што Ты, — Твае імя СПАДАР, Ты адзіны, Найвышшы над усёй зямлёю.
і хай спазнаюць, што імя Табе — Госпад: Ты адзін — Найвышэйшы над усёй зямлёй.