Псалтыр 110 псалом

Псалтыр
Пераклад Яна Станкевіча → Пераклад Чарняўскага 2017

 
 

Псальма Давідава. Агаласіў СПАДАР Спадару майму: «Сядзі праваруч Мяне, пакуль зраблю непрыяцеляў Тваіх казулькаю Тваёй».
 
Давідаў. Псальм. Сказаў Госпад Госпаду майму: «Сядзь праваруч Мяне, аж дакуль пакладу непрыяцеляў Тваіх пад ногі Твае».

Ськіпетру сілы Твае пашлець СПАДАР із Сыёну: радзь сярод непрыяцеляў Сваіх.
 
Жазло магуцця Твайго вышле Госпад з Сіёна: «Валадар Ты сярод непрыяцеляў Тваіх!

Люд Твой ахвотны ў дзень сілы Твае. У харашыні сьвятасьці ад дзетніцы, ад золку Ты маеш расу маладосьці Свае.
 
За Табою першынства ў дзень магуцця Твайго, у ззянні святым, з улоння на досвітку нарадзіў я Цябе».

Прысягнуў СПАДАР і ня каяцца: «Ты сьвятар на векі подле парадку Мелхісэдэкавага».
 
Прысягнуў Госпад і не пашкадуе: «Ты святар навекі на ўзор Мэльхісэдэха».

Спадар па правіцы Тваёй; разьмяжджуле ў дзень гневу Свайго каралёў;
 
Госпад праваруч Цябе: у дзень гневу Свайго зрыне Ён цароў.

Будзе судзіць сярод паган, напоўне трупамі, разьмяжджуле галавы ў чысьленых краёх.
 
Ён будзе судзіць народы: будзе поўна трупаў, зрыне Ён галовы на зямной прасторы.

З цур’я на дарозе будзе піць, затым падыйме галаву.
 
Па дарозе нап’ецца з ручая і дзеля таго падыме галаву.