Псалтыр 61 псалом

Псалтыр
Пераклад Яна Станкевіча → Пераклад Чарняўскага 2017

 
 

Кіраўніку хору. На струнных снадзях. Псальма Давідава.
 
Кіраўніку хору. На струнах. Давідаў.

Пачуй мае галашэньне, Божа, выслухай малітву маю.
 
Выслухай, Божа, маленне маё, зваж на малітву маю.

З канца зямлі гукаю да Цябе, як сэрца мае мляўкае; на скалу, вышшую за мяне, узьвядзі мяне;
 
З канцоў зямлі ўсклікаў я да Цябе, бо трывожыцца сэрца маё. На скалу непрыступную завядзі мяне!

Бо Ты быў уцёкам маім, моцнаю вежаю супроці непрыяцеляў.
 
Бо стаўся Ты надзеяй маёй, моцнай вежай перад непрыяцелем.

Буду жыць у будане Тваім на векі, схаваюся ў схове крылаў Тваіх (Сэля);
 
Буду жыць я вечна ў палатцы Тваёй, схаваюся пад покрывам крылаў Тваіх,

Бо Ты, Божа, пачуў абятніцы мае, Ты даў імне спадак тых, што баяцца імені Твайго.
 
бо ты, Божа мой, выслухаў абяцанні мае, даў спадчыну тым, што шануюць імя Тваё.

Дні да дзён каралёвых Ты дадай, а гады ягоныя з роду да роду;
 
Ты дадасі дні да днёў цара, гады ж яго — праз пакаленні і пакаленні.

Няхай сядзіць вечна перад Богам; прызнач ласку а праўду сьцерагчы яго.
 
Хай сядзіць ён вечна перад Богам; міласэрнасць і ласка хай захоўваюць яго.

І буду заўсёды пяваць імені Твайму, каб заладзіць абятніцы свае дзень удзень.
 
Так буду я спяваць псальмы імю Твайму на векі вечныя, каб спаўняць мне абяцанні мае ад дня да дня.