Псалтыр 64 псалом
Псалтыр
Пераклад Яна Станкевіча → Пераклад Чарняўскага 2017
Кіраўніку хору. Псальма Давідава.
Кіраўніку хору. Псальм. Давідаў.
Пачуй, Божа, голас мой у нараканьню маім; ад ляку непрыяцеляў захавай жыцьцё мае.
Выслухай, Божа, голас мой у роздуме маім; ад страху непрыяцеля ўсцеражы душу маю.
Схавай мяне ад патайное змовы благіх, ад гому ліхадзеяў,
Захавай мяне ад зборышча ліхадзеяў, ад мноства тых, што чыняць несправядлівасць.
Каторыя зайстрылі языкі свае, як мячы, напялі лук свой словам гаркім,
Яны востраць, быццам меч, языкі свае, накіравалі стрэлы свае, атрутныя словы,
Страляючы із засады ў бяззаганных, страляючы ў яго зьнецікі й бяз страху.
каб употай працяць стралой беззаганнага. Знянацку стрэляць яны ў яго і не пабаяцца.
Яны дзяржацца моцна свайго ліхога замеру, змаўляюцца схаваць сеці, кажучы: «Хто можа бачыць нас?»
Умацавалі яны ў сабе нягодны намер. Змовіліся яны, каб патаемна наставіць сеці, сказалі: «Хто ўбачыць іх?»
Прасачылі выступы, чыста скончылі сачыць. Нутр чалавека а сэрца глыбака.
Выдумляюць яны злачынствы, ажыццяўляюць прыдуманыя намеры. Унутранае чалавека і сэрца яго — бездань.
Але Бог выстрале стралу, яны будуць ранены зьнецікі,
І Бог паб’е іх стрэламі; знянацку з’явяцца раны Яго.
І спатыкнуцца яны з прычыны языкоў сваіх; усі, што абачаць іх, уцякуць.
І зрабіў Ён бяссільнымі языкі іх. Адвернуць галовы ўсе, хто ўбачыць іх.
Тады ўсі людзі зьлякаюцца, будуць павядаць, што Бог зьдзеяў, разважаць, што Ён учыніў.
І кожны чалавек будзе баяцца; і будуць абвяшчаць справы Божыя і будуць асэнсоўваць учынкі Яго.
Справядлівыя цешацца ў СПАДАРУ і ўцякаюць да Яго. Няхай хваляцца ўсі пасьцівыя сэрцам!
Узвесяліцца справядлівы ў Госпадзе і будзе мець у Ім надзею, і ўслаўлены будуць усе праўдзівыя сэрцам.