Псалтыр 140 псалом

Псалтыр
Пераклад Яна Станкевіча → Пераклад Чарняўскага 2017

 
 

Кіраўніку хору. Псальма Давідава.
 
Кіраўніку хору. Псальм. Давідаў.

Вывальні мяне, СПАДАРУ, ад нягоднае людзіны, абарані мяне ад ґвалтоўніка,
 
Вырві мяне, Госпадзе, ад ліхога чалавека, сцеражы мяне ад гвалтаўніка.

Каторыя думаюць нягодныя думкі ў сэрцу, кажны дзень зьбіраюцца на вайну,
 
Яны задумваюць у сэрцы ліхое, цэлы дзень узнімаюцца на бойкі.

Зайстрылі языкі свае, як гад; гадава атрута пад вуснамі іхнымі. Сэля.
 
Востраць языкі свае, як змяя, яд змяіны — у вуснах іх.

Крый мяне, СПАДАРУ, ад рук нягоднага, ад рукі ґвалтоўніка абарані мяне, каторы задумаў піхнуць ступы мае.
 
Усцеражы мяне, Госпадзе, ад рукі грэшніка, ухавай мяне ад гвалтаўніка.

Схавалі гардуны пасадку на мяне й павароз, расьцягнулі сеці ля сьцежкі, пастанавілі сілы на мяне. Сэля.
 
Пыхліўцы хаваюць пятлю на мяне і шнуры расцягваюць, як сетку.

Я сказаў СПАДАРУ: «Ты Бог мой, пачуй, СПАДАРУ, гук маленьняў маіх.
 
Кажу Госпаду: Ты мой Бог, Госпадзе, выслухай голас малення майго.

СПАДАРУ Спадару, сіла спасеньня майго! Ты пакрыў галаву маю ў дзень збраеньня.
 
Госпадзе, Божа, магуцце збаўлення майго, Ты ўхавай галаву маю ў дзень бою.

Ня дай, СПАДАРУ, жаданага нягоднаму й не пашчасьць задуме ягонай, каб не вяльмуваўся. Сэля.
 
Не спаўняй, Госпадзе, жадання бязбожніка і не выконвай намераў яго. Хай не падымаюць

Хай крыўда вуснаў іхных пакрые галаву тых, што абступаюць мяне;
 
галавы тыя, што акружаюць мяне, хай злоснасць іх вуснаў пакрые іх.

Хай зваліцца на іх жар; хай кіне Ён іх у цяпло, у бяздоньні, каб не паўсталі.
 
Хай спадуць на іх вуглі агністыя, укінь іх у яму, і няхай не падымуцца.

Не дазволь умацавацца язычніку на зямлі; на місьцюка хай палююць на загубу, каб паваліць.
 
Балбатун хай не застанецца на зямлі, ліха апануе гвалтаўніка на пагібель.

Ведаю, што СПАДАР рассудзе ўбогага і ўчыне суд бедным.
 
Уведаў я, што Госпад учыніць суд над убогім і адпомсціць за беднага.

Адно справядлівыя хваліць будуць імя Твае; пасьцівыя жыць будуць у прытомнасьці Тваёй.