Псалтыр 140 псалом

Псалтыр
Пераклад Антонія Бокуна → Пераклад Чарняўскага 2017

 
 

Кіраўніку хору. Псальм Давіда.
 
Кіраўніку хору. Псальм. Давідаў.

Ратуй мяне, ГОСПАДЗЕ, ад чалавека ліхога, ад чалавека злачыннага захоўвай мяне!
 
Вырві мяне, Госпадзе, ад ліхога чалавека, сцеражы мяне ад гвалтаўніка.

Яны задумляюць ліхое ў сэрцы сваім, кожны дзень узьнімаюць вайну,
 
Яны задумваюць у сэрцы ліхое, цэлы дзень узнімаюцца на бойкі.

навастрылі язык свой, як зьмеі, атрута зьмяіная ў вуснах іхніх. (Сэлях)
 
Востраць языкі свае, як змяя, яд змяіны — у вуснах іх.

Захавай мяне, ГОСПАДЗЕ, ад рук бязбожніка! Захоўвай мяне ад чалавека злачыннага, ад тых, што мяркуюць пахіснуць стопы мае.
 
Усцеражы мяне, Госпадзе, ад рукі грэшніка, ухавай мяне ад гвалтаўніка.

Пыхліўцы таемна [наставілі] пастку для мяне і петлі, расьцягнулі сеці пры сьцежцы, паставілі сіло для мяне. (Сэлях)
 
Пыхліўцы хаваюць пятлю на мяне і шнуры расцягваюць, як сетку.

Сказаў я да ГОСПАДА: «Ты — мой Бог!» Прыхілі вуха, ГОСПАДЗЕ, на голас маленьня майго!
 
Кажу Госпаду: Ты мой Бог, Госпадзе, выслухай голас малення майго.

ГОСПАДЗЕ, Госпадзе, моц збаўленьня майго, Ты засланяеш галаву маю ў дзень бітвы.
 
Госпадзе, Божа, магуцце збаўлення майго, Ты ўхавай галаву маю ў дзень бою.

Ня дай таго, ГОСПАДЗЕ, што жадае бязбожнік, намерам ягоным ня дай споўніцца, каб не ўзьнімаліся яны! (Сэлях)
 
Не спаўняй, Госпадзе, жадання бязбожніка і не выконвай намераў яго. Хай не падымаюць

Няхай галовы тых, што мяне абступілі, пакрыюцца ліхоцьцем вуснаў іхніх!
 
галавы тыя, што акружаюць мяне, хай злоснасць іх вуснаў пакрые іх.

Няхай пасыплецца на іх вугольле! У агонь няхай кіне Ён іх, у дол глыбокі, каб ім не паўстаць!
 
Хай спадуць на іх вуглі агністыя, укінь іх у яму, і няхай не падымуцца.

Чалавек з языком [ліхім] на зямлі ня ўстоіць; на чалавека злачыннага ліхоцьце цікаваць будзе, каб загубіць яго.
 
Балбатун хай не застанецца на зямлі, ліха апануе гвалтаўніка на пагібель.

Ведаю я, што ГОСПАД выступіць у справе прыгнечанага, [дасьць] суд убогаму.
 
Уведаў я, што Госпад учыніць суд над убогім і адпомсціць за беднага.

І будуць праведнікі славіць імя Тваё, правыя будуць жыць перад абліччам Тваім!