Псалтыр 18 псалом
Псалтыр
Пераклад Антонія Бокуна → Пераклад Чарняўскага 2017
Кіраўніку хору. Слугі ГОСПАДА Давіда, які выказаў ГОСПАДУ словы сьпеву гэтага ў дзень, калі ГОСПАД вызваліў яго з рук усіх ворагаў ягоных і з рукі Саўла, і ён сказаў [гэта].
Кіраўніку хору. Давіда, слугі Госпада, які прамовіў Госпаду словы гэтай песні, калі Госпад яго вызваліў ад моцы ўсіх ворагаў яго
Буду любіць Цябе, ГОСПАДЗЕ, сіла мая! ГОСПАД — скала мая, замчышча маё, мой Збаўца!
і з-пад рукі Саўла. Сказаў ён так: «Люблю Цябе, Госпадзе, магутнасць мая.
Мой Бог — апора мая, у Ім я маю надзею; Ён — шчыт мой, рог збаўленьня майго і ўмацаваны замак мой!
Госпад — апірышча маё, і прыстанішча маё. Выратавальнік мой; Бог мой — памочнік мой, і я на Яго спадзяюся; абаронца мой і рог збаўлення майго і апякун мой.
Паклічу я ГОСПАДА, Які годны хвалы, і ад ворагаў маіх збаўлены буду.
Паклічу я Госпада, вартага хвалы, і буду збаўлены ад ворагаў маіх.
Ахапілі мяне путы сьмерці, і віры Бэліяла стурбавалі мяне;
Агарнулі мяне хвалі смерці, і віры Бэліяла ўстрывожылі мяне.
путы пякельныя агарнулі мяне, і пасткі сьмерці схапілі мяне.
Путы пякельныя аплялі мяне, смяротныя петлі душаць мяне.
У прыгнечаньні маім я клікаў ГОСПАДА і галасіў да Бога майго. Ён пачуў са сьвятыні Сваёй голас мой, і лямант мой перад абліччам Ягоным дайшоў да вушэй Ягоных.
У роспачы маёй клічу я Госпада, і Бога майго прызываю; пачуў Ён кліч мой з храма Свайго, і прызыў мой перад позіркам вачэй Яго ўвайшоў.
І, дрыжучы, задрыжэла зямля, і падваліны гор затрэсьліся і захісталіся, бо ўгнявіўся Ён.
Здрыганулася і затрымцела зямля; зрушыліся і здрыгануліся падваліны гор, бо Ён запалаў гневам.
Узьняўся дым ад гневу Ягонага, і з вуснаў Ягоных — агонь палючы, вугольле распальваецца ад Яго.
Узняўся дым з ноздраў Яго і агонь знішчальны з вуснаў Яго выйшаў; вуголле [агністае] пачало расцякацца з Яго.
Нахіліў Ён неба і зыйшоў, і імгла пад нагамі Ягонымі.
Нахіліў Ён нябёсы, і сышоў, і змрок пад нагамі Яго.
Ён сеў на херувіма і паляцеў, і ўзьнёсься на крылах ветру.
І ўзняўся на херубіна, і паляцеў, нёсся на крылах вятроў.
Ён зрабіў цемру заслонай Сваёй, вакол Яго — намёт Ягоны з цёмных водаў, з густых хмараў.
І ахінуўся цемрай, як заслонай, пасярод яе — палатка Яго: цёмная вада, паветраныя хмары.
Ад бляску перад Ім разыйшліся хмары Ягоныя, град і вугольле вогненнае.
Перад бляскам позірку Яго праплывалі хмары, град і агністае вуголле.
І загрымеў у небе ГОСПАД, і Найвышэйшы падаў голас Свой, град і вугольле вогненнае.
І загрымеў на нябёсах Госпад, і Найвышэйшы даў пачуць голас Свой: град і агністае вуголле.
І Ён пусьціў стрэлы Свае, і расьцярушыў іх, і мноствам маланак зьбянтэжыў іх.
І пусціў Ён стрэлы Свае і рассыпаў іх, насыпаў маланак і ўстрывожыў іх.
І сталі бачныя рэчышчы водаў, і адкрыліся падваліны сусьвету ад пагрозаў Тваіх, ГОСПАДЗЕ, і ад подыху духу гневу Твайго.
І адкрыліся крыніцы вод, і адчыніліся падмуркі сусвету ад ушчування Твайго, Госпадзе, ад подыху гневу Твайго.
Паслаўшы з вышыні, Ён схапіў мяне, выцягнуў мяне з водаў вялікіх,
Даслаў Ён нарэшце [руку], і прыняў мяне, і выцягнуў мяне з водаў многіх;
вызваліў мяне ад ворага майго моцнага і ад тых, якія ненавідзяць мяне, бо яны былі дужэйшыя за мяне.
вырваў мяне ў ворагаў маіх вельмі моцных і ў тых, што ненавідзяць мяне, бо яны ўзмацніліся лепш за мяне.
Яны схапілі мяне ў дзень няшчасьця майго, але ГОСПАД быў падпорай для мяне.
Яны напалі на мяне ў дзень смутку майго, і зрабіўся Госпад апораю маёю.
І Ён вывеў мяне на месца прасторнае, Ён выратаваў мяне, бо мне спагадае.
І вывеў мяне на прастор, збавіў мяне, бо пажадаў мяне.
ГОСПАД даў мне паводле праведнасьці маёй, паводле чысьціні рук маіх мне аднагародзіў,
І адплаці мне, Госпад, паводле праўды маёй і паводле чысціні рук маіх аддай мне.
бо я захоўваў шляхі ГОСПАДА і не адступаў бязбожна ад Бога майго;
Бо я пільнаваў шляхі Госпада і не адступаўся нягодна ад Бога майго.
бо ўсе суды Ягоныя перада мною, і ад пастановаў Ягоных я не ўхіляўся.
Бо ўсе прысуды Яго перада мной, і ўсю праўду Яго не адрынуў я ад сябе.
Я быў беззаганны перад Ім і захоўваў сябе ад беззаконьня.
І стаў я беззаганны з Ім і высцерагаўся злачыннасці.
І аднагародзіў мне ГОСПАД паводле праведнасьці маёй, паводле чысьціні рук маіх перад вачыма Ягонымі.
І адплаціў мне Госпад паводле праўды маёй, і паводле чысціні рук маіх перад позіркам вачэй Яго.
З багабойным Ты будзеш багабойным, з чалавекам беззаганным будзеш беззаганны,
Са святым Ты святы будзеш, і з чалавекам беззаганным беззаганны будзеш,
для чыстага сэрцам Ты чысты сэрцам, і для крывадушнага Ты падступны,
і з абраным абраным будзеш, і з заганным падступным будзеш.
бо людзей прыгнечаных Ты збаўляеш, а вочы пыхлівыя паніжаеш.
Бо народ пакорлівы Ты збаўляеш, а вочы пыхлівых прынізіш.
Ты запаліш сьветач мой; ГОСПАД, Бог мой, асьветліць цемру маю.
Бо Ты, Госпадзе, запальваеш светач мой; Бог мой прасвятляе цемру маю.
Бо з Табою я атакую войскі і з Богам маім узыйду на муры.
Бо з Табою я пайду ў наступ на варожыя войскі і з Богам маім пераскочу праз мур.
Бог, беззаганны шлях Ягоны; слова ГОСПАДА чыстае; Ён — шчыт для ўсіх, хто ў Ім мае надзею.
Бог, бязгрэшны шлях Яго, словы Госпада выпрабаваны агнём; шчыт Ён усім тым, хто спадзяецца на Яго.
Бо хто Бог, апрача ГОСПАДА, і хто скала, акрамя Бога нашага?
Бо хто ёсць Бог, апрача Госпада? Або якая крэпасць, апрача Бога нашага?
Бог, Які падпярэзвае мяне сілай і дае беззаганнасьць шляху майму;
Бог, Які падперазаў мяне мужнасцю і ўладкаваў беззаганным шлях мой;
Ён робіць ногі мае як у аленя і на вышыні ставіць мяне,
Які зрабіў ногі мае, як у аленя, і на вышыні паставіў мяне.
Ён навучае рукі мае для бітвы, і рамёны мае напінаюць лук мядзяны.
Які навучае рукі мае барацьбе, і нацягваюць медны лук плечы мае.
І Ты даў мне шчыт збаўленьня Твайго, і правіца Твая ўмацоўвала мяне, і ласкавасьць Твая ўзьвялічвала мяне.
І даў Ты мне шчыт збаўлення Твайго, і правіца Твая падтрымала мяне, і Тваё выслухванне ўзвялічвае мяне.
Ты даў прастору для кроку майго, і не хісталіся ногі мае.
Ты пашырыў крокі мае пада мною, і не знясілена ступня мая.
Я перасьледаваў ворагаў маіх і даганяў іх, і не варочаўся назад, пакуль ня зьнішчыў іх.
Я пераследаваў ворагаў маіх і хапаў іх, і не вяртаўся, пакуль яны не прападалі.
Я гэтак скрышыў іх, што яны не маглі ўстаць; яны падалі пад ногі мае.
Я сцінаў іх, каб не маглі падняцца; яны падалі пад ногі мае.
Ты падперазаў мяне сілай дзеля бітвы, Ты паваліў перада мною тых, якія паўсталі супраць мяне.
І аперазаў Ты мяне мужнасцю для вайны, і тых, што паўсталі супраць мяне, кінуў пад мяне.
Ты даў мне [бачыць] карак ворагаў маіх, і тых, што мяне ненавідзяць, я вынішчыў.
І ворагаў маіх прымусіў Ты да ўцёкаў і павынішчыў тых, што ненавідзяць мяне.
Яны галасілі, і не было таго, хто іх збавіць; яны [клікалі] да ГОСПАДА, але Ён не адказаў ім.
Яны клікалі, і не было таго, хто збавіў бы; да Госпада, і не выслухаў іх.
Я стоўк іх, як той пыл пад ветрам, як балота на вуліцы, я стаптаў іх.
І расцярушыў іх, як пыл па ветры, як вулічны бруд, патаптаў я іх.
Ты выратаваў мяне ад звадак людзей, паставіў мяне за галаву народам. Людзі, якіх я ня ведаў, будуць служыць мне.
Выхапіў мяне ад бунту народа, паставіў мяне на чале плямёнаў. Народ, якога я не ведаў, служыць мне,
Чуючы вушамі [пра мяне], яны слухаюцца мяне; сыны чужынцаў падпарадкаваліся мне.
толькі вухам пачуўшы, слухаецца мяне. Сыны чужыя сталі забягаць перада мною.
Сыны чужынцаў млеюць і трымцяць у агароджах сваіх.
Сыны чужыя саслабелі, дрыжаць у сховішчах сваіх.
Жыве ГОСПАД, дабраслаўлёная скала мая; і няхай узвысіцца Бог збаўленьня майго,
Жыве Госпад, і дабраславёны Апякун мой, і хай узвысіцца Бог збаўлення майго!
Бог, Які адпомсьціў за мяне і схіліў народы перада мною,
Бог, Які помсціш за мяне і падпарадкоўваеш мне народы, выратавальнік мой ад ворагаў маіх раз’ятраных;
выратаваў мяне ад ворагаў маіх і ўзвысіў мяне па-над тымі, якія паўсталі супраць мяне; ад чалавека злачыннага вызваліў мяне.
і над тымі, што паўсталі супраць мяне, Ты ўзвышаеш мяне, ад чалавека гвалтоўнага выхопліваеш мяне.
Дзеля гэтага буду славіць Цябе, ГОСПАДЗЕ, сярод народаў і імя Тваё выслаўляць.
Дзеля таго будуць славіць Цябе, Госпадзе, паміж паганамі і імю Твайму прагавару псальм.
Ты ўзьвялічыў збаўленьнем валадара Твайго і зьяўляеш міласэрнасьць памазанцу Твайму, Давіду, і насеньню ягонаму на вякі.
Узвялічыў у збаўленні цара Свайго і аказаў міласэрнасць намашчэнцу Твайму Давіду і нашчадкам яго навекі».