Псалтыр 136 псалом
Псалтыр
Пераклад Антонія Бокуна → Пераклад Чарняўскага 2017
Слаўце ГОСПАДА, бо Ён добры, бо на вякі міласэрнасьць Яго!
Алілуя. Вызнавайце Госпада, бо Ён добры, бо Яго міласэрнасць вечная.
Слаўце Бога багоў, бо на вякі міласэрнасьць Яго!
Вызнавайце Бога над багамі, бо Яго міласэрнасць вечная.
Слаўце Пана паноў, бо на вякі міласэрнасьць Яго!
Вызнавайце Госпада над валадарамі, бо Яго міласэрнасць вечная.
Таго, Які Сам робіць цуды вялікія, бо на вякі міласэрнасьць Яго:
Ён адзін учыніў цуды вялікія, бо Яго міласэрнасць вечная.
Таго, Які неба ўчыніў з разуменьнем, бо на вякі міласэрнасьць Яго;
Ён стварыў нябёсы прамудра, бо Яго міласэрнасць вечная
Таго, Які зямлю расьцягнуў па-над водамі, бо на вякі міласэрнасьць Яго;
Ён распасцёр зямлю над водамі, бо Яго міласэрнасць вечная.
Таго, Які ўчыніў сьвяцілы вялікія, бо на вякі міласэрнасьць Яго;
Ён стварыў свяцілы вялікія, бо Яго міласэрнасць вечная;
сонца, каб кіравала днём, бо на вякі міласэрнасьць Яго;
сонца, каб днём кіравала, бо Яго міласэрнасць вечная.
месяц і зоркі, каб кіравалі ноччу, бо на вякі міласэрнасьць Яго;
месяц і зоры, каб кіравалі ноччу, бо Яго міласэрнасць вечная.
Таго, Які пабіў Эгіпет у першародных ягоных, бо на вякі міласэрнасьць Яго;
Ён пабіў Егіпет у першародных яго, бо Яго міласэрнасць вечная.
і вывеў Ізраіля спасярод яго, бо на вякі міласэрнасьць Яго;
Ён вывеў Ізраэля з асяроддзя іх, бо Яго міласэрнасць вечная;
рукою дужаю і рамяном узьнятым, бо на вякі міласэрнасьць Яго;
магутнай далонню і шырокай рукою, бо Яго міласэрнасць вечная.
Таго, Які Мора Чырвонае расьсек, бо на вякі міласэрнасьць Яго;
Ён Чырвонае мора падзяліў на часткі, бо Яго міласэрнасць вечная.
і правёў Ізраіля пасярод яго, бо на вякі міласэрнасьць Яго;
І правёў Ізраэля пасярод яго, бо Яго міласэрнасць вечная.
і кінуў фараона і войска ягонае ў Мора Чырвонае, бо на вякі міласэрнасьць Яго;
Ён скінуў фараона і сілу яго ў мора, бо Яго міласэрнасць вечная.
Таго, Які вёў народ Свой праз пустыню, бо на вякі міласэрнасьць Яго;
Ён правёў народ Свой праз пустыню, бо Яго міласэрнасць вечная.
Таго, Які пабіў валадароў вялікіх, бо на вякі міласэрнасьць Яго;
Ён пабіў цароў вялікіх, бо Яго міласэрнасць вечная.
і забіў валадароў слаўных, бо на вякі міласэрнасьць Яго;
Ён пабіў цароў магутных, бо Яго міласэрнасць вечная.
Сыгона, валадара Амарэйскага, бо на вякі міласэрнасьць Яго;
Сэгона, цара амарэяў, бо Яго міласэрнасць вечная.
і Ога, валадара Башану, бо на вякі міласэрнасьць Яго;
І Ога, цара Басана, бо Яго міласэрнасць вечная.
і аддаў зямлю іхнюю ў спадчыну, бо на вякі міласэрнасьць Яго;
І аддаў зямлю іх у спадчыну, бо Яго міласэрнасць вечная.
у спадчыну Ізраілю, слузе Свайму, бо на вякі міласэрнасьць Яго;
У спадчыну Ізраэлю, слузе Свайму, бо Яго міласэрнасць вечная.
Таго, Які ў паніжэньні нашым успомніў пра нас, бо на вякі міласэрнасьць Яго;
Ён помніў пра нас у паніжэнні нашым, бо Яго міласэрнасць вечная;
і выратаваў нас ад прыгнятальнікаў нашых, бо на вякі міласэрнасьць Яго;
і адкупіў нас ад непрыяцеляў нашых, бо Яго міласэрнасць вечная.
Таго, Які дае хлеб усякаму целу, бо на вякі міласэрнасьць Яго.
Ён дае ежу кожнаму целу, бо Яго міласэрнасць вечная.
Слаўце Бога нябёсаў, бо на вякі міласэрнасьць Яго!
Вызнавайце Бога нябеснага, бо Яго міласэрнасць вечная.