Псалтыр 113 псалом
Псалтыр
Пераклад Антонія Бокуна → Пераклад Чарняўскага 2017
Альлелюя! Хвалеце, слугі ГОСПАДА, хвалеце імя ГОСПАДА!
Алілуя. Хваліце, слугі Госпадавы, хваліце імя Госпада.
Няхай будзе дабраслаўлёнае імя ГОСПАДА ад цяпер і на вякі!
Хай будзе імя Госпада дабраслаўлёна з [гэтага] часу, цяпер і вечна.
Ад усходу сонца да захаду яго няхай будзе хвалёнае імя ГОСПАДА!
Ад усходу сонца і да захаду яго хай будзе ўслаўлена імя Госпада.
Узьвялічаны ГОСПАД над усімі народамі; па-над нябёсы слава Ягоная.
Госпад узвышаны над усімі народамі, слава Яго над нябёсамі.
Хто як ГОСПАД, Бог наш, Які жыве ў вышыні
Хто ж, як Госпад Бог наш, Які жыве на вышынях?
і схіляецца, каб паглядзець на неба і зямлю;
І схіляецца, каб пазіраць на неба і на зямлю?
Які з пылу падымае гаротніка, з гною ўзносіць беднага,
Падымае Ён з зямлі ўбогага, з гною выцягвае беднага,
каб пасадзіць яго сярод магнатаў, сярод магнатаў народу Свайго;
каб памясціць яго з князямі, з князямі народа Свайго.
Які бясплодную садзіць у доме як маці, якая радуецца сынам [сваім]? Альлелюя!
Ён робіць так, што няплодная пасяляецца ў доме як маці, што радуецца сынам.
