Псалтыр 120 псалом

Псалтыр 120 псалом

Псалтыр
Пераклад Антонія Бокуна → Пераклад Чарняўскага 2017

Сьпеў узыходжаньня. Да ГОСПАДА я клікаў у бядзе маёй, і Ён адказаў мне.

Песня ўзыходжання. Паколькі я ў бядзе, то паклікаў Госпада, і Ён выслухаў мяне.

ГОСПАДЗЕ, вызваль душу маю ад вуснаў хлусьлівых, ад языка здрадлівага.

Божа, вызвалі душу маю ад вуснаў маны, ад языка падступнага.

Што дасьць табе і якую карысьць прынясе язык здрадлівы?

Што яшчэ даць табе ці што яшчэ дадаць да цябе, язык падступны?

Вострыя стрэлы волата і вугольле ядлоўцавае.

Вострыя стрэлы волата з вуглямі ядлаўцовымі.

Гора мне, што я жыву ў Мэшэха, што я пасяліўся каля намётаў Кедару!

Гора мне, што я чужы ў Масоку, пасяліўся ля палатак Кедара!

Вельмі доўга душа мая жыла сярод тых, што ненавідзяць супакой.

Доўга пражыла душа мая з тымі, што ненавідзяць супакой.

Я — [сам] супакой; але, як толькі прамоўлю, яны [пачынаюць] вайну.

Я быў супакоетворцам; але калі прамаўляў, яны нападалі на мяне.

Біблія