Псалтыр 66 псалом
Псалтыр
Пераклад Антонія Бокуна → Пераклад Чарняўскага 2017
Кіраўніку хору. Сьпеў. Псальм. Радасна гукай для Бога, уся зямля!
Кіраўніку хору. Песня. Псальм. Усклікайце радасна да Бога, кожная зямля,
Сьпявайце славу імя Ягонага, узносьце славу і хвалу Яму!
псальм спявайце славе імя Яго, услаўляйце славу Яго.
Кажыце да Бога: «Які Ты страшны ў дзеяньнях Тваіх! Дзеля вялікасьці моцы Тваёй падпарадкоўваюцца Табе ворагі Твае.
Кажыце Богу: «Якія ж [неспасцігальна] страшныя справы Твае!» Дзеля велічнасці моцы Тваёй будуць падлашчвацца да Цябе непрыяцелі Твае.
Уся зямля паклоніцца Табе і будзе выслаўляць Цябе, будзе выслаўляць імя Тваё». (Сэлях)
Кожная зямля паклоніцца Табе і будзе спяваць псальмы Табе, праспявае псальм імю Твайму.
Хадзеце і паглядзіце на дзеяньні Бога, страшнага ва ўчынках [Сваіх] адносна сыноў чалавечых.
Прыйдзіце і паглядзіце на справы Божыя, [неспасцігальна] страшны Ён у вынаходніцтвах над сынамі чалавечымі!
Ён перамяніў мора ў сухазем’е, праз раку мы перайшлі пехатою; там радаваліся мы ў Ім!
Пераўтварыў Ён мора ў сушу, і па рацэ перайдуць пехатою; там узвесялімся мы ў Ім.
Ён пануе ў магутнасьці Сваёй на вякі; вочы Ягоныя сочаць за народамі, каб бунтаўнікі не вывышаліся перад Ім. (Сэлях)
Ён валадарыць у магуцці Сваім вечна, вочы Яго пазіраюць на народы, бунтаўнікі хай не ўзвышаюцца самі ў сабе.
Дабраслаўляйце, народы, Бога нашага, і няхай будзе чутны голас хвалы Ягонай.
Дабраславіце, народы, Бога нашага, і ўчыніце, каб пачуты быў голас хвалы Яго;
Ён дараваў жыцьцё душы нашай і ня даў пахіснуцца назе нашай.
Ён прыклаў душу нашу да жыцця і не выдаў на хістанне ногі нашы.
Бо Ты выспрабаваў нас, Божа! Ачысьціў нас, як ачышчаецца срэбра.
Бо Ты праверыў нас, Божа наш, агнём нас выпрабаваў, як выпрабоўваюць срэбра.
Ты ўвёў нас у пастку, сьціснуў цяжкімі путамі сьцёгны нашыя.
Увёў Ты нас у пастку, усклаў беды на спіну нашу.
Ты пасадзіў чалавека на галовы нашыя; мы прайшлі праз агонь і ваду, і Ты вывеў нас на прастор.
Насадзіў Ты людзей на галовы нашы, прайшлі мы праз агонь і ваду, і вывеў Ты нас да палёгкі.
Увайду ў Дом Твой з цэласпаленьнямі, споўню Табе абяцаньні мае,
Увайду я ў дом Твой з цэласпаленнямі; аддам Табе абяцанні мае,
якія прамовілі губы мае, і сказаў я вуснамі маімі ў бядзе маёй.
якія прараклі вусны мае і прамовіў язык мой у бядзе маёй.
Цэласпаленьні з тлустых [авечак] прынясу Табе з дымам баранаў; дам [Табе] валоў і казлоў. (Сэлях)
Тлустыя цэласпаленні прынясу я Табе з ахвяраваннем бараноў, прынясу Табе быкоў з казламі.
Хадзеце, паслухайце, і я раскажу ўсім, хто Бога баіцца, што Ён учыніў для душы маёй.
Прыйдзіце, паслухайце, што я распавяду, вы ўсе, што шануеце Бога, — што ўчыніў Ён для душы маёй.
Да Яго я клікаў вуснамі маімі, і ўзьвялічваньне было на языку маім.
Да Яго паклікаў я вуснамі маімі і ўзвялічыў языком маім.
Калі б я глядзеў на нягоднае ў сэрцы маім, Госпад мяне б не пачуў!
Калі ж схіліўся б я да несправядлівасці ў сэрцы сваім, то не выслухае Госпад.
Але Бог пачуў і зьвярнуў увагу [Сваю] на голас малітвы маёй.
Таму выслухаў Бог, звярнуў увагу на маленне маё. малітвы маёй і [не аддаліў] міласэрнасці Сваёй ад мяне.
Дабраслаўлёны Бог, Які не адкінуў малітвы маёй і міласэрнасьці Сваёй [не пазбавіў мяне]!