Псалтыр 67 псалом
Псалтыр
Пераклад Антонія Бокуна → Пераклад Чарняўскага 2017
Кіраўніку хору: на струнных інструмэнтах. Псальм. Сьпеў.
Кіраўніку хору. На струнах. Псальм. Песня.
Божа, зьлітуйся над намі і дабраславі нас; асьвяці нас абліччам Тваім, (Сэлях)
Хай злітуецца Бог над намі і падабраславіць нас; хай пралье святло аблічча Свайго над намі,
каб на зямлі мы пазналі шлях Твой, між усімі народамі — збаўленьне Тваё.
каб пазналі на зямлі шлях Твой, між усіх народаў — збаўленне Тваё.
Тады будуць славіць народы Цябе, Божа, будуць славіць Цябе ўсе народы.
Хай вызнаюць Цябе народы, Божа; хай вызнаюць Цябе народы ўсе.
Будуць весяліцца і радавацца ўсе народы, бо Ты будзеш судзіць народы справядліва і будзеш весьці народы на зямлі. (Сэлях)
Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.
Тады будуць славіць народы Цябе, Божа, будуць славіць Цябе ўсе народы.
Хай вызнаюць Цябе народы, Божа, хай вызнаюць Цябе народы ўсе.
Зямля дасьць ураджай свой; няхай дабраславіць нас Бог, Бог наш!
Зямля дала плод свой; хай дабраславіць нас Бог, Бог наш,
Няхай дабраславіць нас Бог, і няхай баяцца Яго ўсе канцы зямлі!
хай дабраславіць нас Бог, і няхай баяцца Яго ўсе канцы зямлі.
