Псалтыр 67 псалом
Псалтыр
Пераклад Л. Дзекуць-Малея → Пераклад Чарняўскага 2017
Кіраўніку хору: на струнных. Псальм да пяяньня.
Кіраўніку хору. На струнах. Псальм. Песня.
Божа, будзь нам ласкавы й багаслаў нас; асьвяці нас абліччам Тваім, (Зэля)
Хай злітуецца Бог над намі і падабраславіць нас; хай пралье святло аблічча Свайго над намі,
каб на зямлі мы пазналі Твой шлях, між усімі народамі збаўленьне Тваё.
каб пазналі на зямлі шлях Твой, між усіх народаў — збаўленне Тваё.
Тады Цябе, Божа, хваліць будуць народы; будуць славіць Цябе усе людзі.
Хай вызнаюць Цябе народы, Божа; хай вызнаюць Цябе народы ўсе.
Усьцешацца й узрадуюцца ўсе пляменьні, што Ты судзіш народы па праўдзе й плямёнам кірунак даеш на зямлі. (Зэля)
Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.
Хваліць Цябе, Божа, будуць народы; будуць славіць Цябе ўсе людзі.
Хай вызнаюць Цябе народы, Божа, хай вызнаюць Цябе народы ўсе.
Зямля плод свой выдала; няхай Бог, наш Бог, нас багаслаўляе!
Зямля дала плод свой; хай дабраславіць нас Бог, Бог наш,
Няхай Бог нас багаслаўдяе, няхай усе ўзьмежкі зямлі Яго ўбаяцца!
хай дабраславіць нас Бог, і няхай баяцца Яго ўсе канцы зямлі.