Псалтыр 145 псалом

Псалтыр
Пераклад Л. Дзекуць-Малея → Пераклад Чарняўскага 2017

 
 

Давідава песьня хвалебная.Вывышшаць Цябе буду, мой Божа й Цару, і імя Тваё славіць навекі!
 
Хваленні. Давіда. АЛЕФ. Буду ўзвышаць Цябе, Божа мой, Валадару, і дабраслаўлю імя Тваё вечна і на векі вечныя.

Багаслаўляць Цябе буду штодня і імя Тваё на вякі вечныя.
 
БЭТ. Кожны дзень буду дабраслаўляць Цябе і хваліць імя Тваё вечна і ў векі вечныя.

Вялікі Госпад і годны хвалы, і веліч Яго — недасяжная.
 
ГІМЭЛЬ. Вялікі Госпад і вельмі варты хвалы, і няма спасціжэння велічы Яго.

Хай род роду хваліць творы Твае і магутнасьць Тваю абвяшчае.
 
ДАЛЕТ. Пакаленне пакаленню хваліць справы Твае, і апавяшчае моц Тваю.

Аб велічы сьветлае славы Тваёй хай гавораць яны; я-ж аб цудах Тваіх казаць буду.
 
ГЭ. Гавораць пра ўзвышнасць славы велічнасці Тваёй і абвяшчаюць цуды Твае.

Аб магутнасьці дзеяньняў страшных Тваіх хай гавораць яны; я-ж буду вялікія ўчынкі Тваі абвяшчаць.
 
ВАЎ. І кажуць пра магуцце пострахаў Тваіх і расказваюць пра вялікасць Тваю.

Успаміны аб велічы дабраты Твае абвяшчаць яны будуць і песьнямі славіць справядлівасьць Тваю.
 
ДЗАЙН. Успаміны пра невычэрпнасць лагоднасці Тваёй будуць разносіць і справядлівасці Тваёй узрадуюцца.

Госпад ласкавы і міласэрны, няскоры да гневу й ласкай вялікі.
 
ГЭТ. Літасцівы і спагадны Госпад, доўгацярплівы і вялікай міласэрнасці.

Госпад добры да ўсіх, і літасьць Ягоная — панад усе Яго справы.
 
ТЭТ. Ласкавы Госпад да ўсіх, і літасць Яго — над усімі справамі Яго.

Няхай хваляць Цябе ўсе творы Тваі, і сьвятыя Тваі няхай славяць Цябе!
 
ЁД. Хай вызнаюць Цябе, Госпадзе, усе тварэнні Твае; і святыя Твае дабраслаўляць будуць Цябе.

Хай аб славе Царства Твайго яны апавядаюць і магутнасьць Тваю абвяшчаюць,
 
КАФ. Хай кажуць пра славу Валадарства Твайго і хай гавораць пра моц Тваю,

каб даць вестку сыном чалавечым пра магутнасьць Яго й веліч славы Царства Ягонага.
 
ЛЯМЭД. каб даць спазнаць сынам чалавечым моц Тваю і славу велічнасці Валадарства Твайго.

Царства Тваё — царства ўсіх вякоў, і ўлада Твая — над усімі родамі.
 
НУН. Верны Госпад ва ўсіх словах Сваіх і святы ва ўсіх справах Сваіх.

Паддзержывае Госпад усіх, хто ўпадае, і падыймае ўсіх уцісьнёных.
 
САМЭК. Госпад падымае ўсіх, што падаюць, і падтрымлівае ўсіх зняможаных.

Вочы ўсіх на Цябе ўзіраюцца, і Ты ім іх ежу даеш у свой час.
 
АІН. Вочы ўсіх з надзеяй глядзяць на Цябе, і Ты дасі ім ежу ў час належны.

Ты расчыняеш руку Тваю і ўсё, што жыве, насычаеш паводле жаданьня.
 
ФЭ. Ты адкрываеш руку Тваю і напаўняеш кожную жывёлу.

Справядлівы Госпад на ўсіх шляхох Сваіх і ласкавы ў усіх Сваіх справах.
 
САДЭ. Госпад справядлівы на ўсіх дарогах Сваіх і святы ва ўсіх справах Сваіх.

Госпад блізкі да ўсіх, што Яго прызываюць, да ўсіх, што Яго прызываюць у праўдзе.
 
КОФ. Госпад блізкі тым, што прызываюць Яго, усім, якія прызываюць Яго ў праўдзе.

Ён робіць паводле жаданьня тых, што баяцца Яго, і чуе іх плач і ратуе іх.
 
РЭС. Спаўняе ён просьбу тых, што шануюць Яго, і пачуе іх кліканне, і збавіць іх.

Госпад захоўвае ўсіх, што любяць Яго, але ўсіх бязбожных Ён выгубіць.
 
СІН. Госпад апякуецца над усімі, хто любіць Яго, а ўсіх грэшнікаў нішчыць.

Хвалу Госпада будуць казаць мае вусны, і ўсякае дыханьне хай сьвятое імя Яго славіць навекі.
 
ТАЎ. Хай хваляць Госпада вусны мае, і хай усякае стварэнне дабраслаўляе святое імя Яго ў векі вечныя.