Псалтыр 47 псалом
Псалтыр
Пераклад Л. Дзекуць-Малея → Пераклад Чарняўскага 2017
Кіраўніку хору із сыноў Карэявых: псальм.
Кіраўніку хору. Сыноў Корэ. Псальм.
Ляскайце далоньмі, усе народы, сьпявайце Богу з радасьці вялікае!
Усе народы пляскайце ў далоні, слаўце Бога голасам радасці.
Бо страшны Госпад Найвышэйшы, вялікі Цар над усенькай зямлёй.
Бо Госпад — найвышэйшы, страшны, магутны Валадар над усёй зямлёй.
Ён пакарыў нам народы й паганаў пад ногі нашыя.
Ён падначальвае нам народы і плямёны пад нашы ногі.
Ён выбраў для нас нашу спадчыну, красу Якуба, якога Ён палюбіў. (Зэля)
Выбраў Ён для нас спадчыну нашу, хвалу Якуба, якога палюбіў.
Узьнёсся з крыкам радасьці Бог, Госпад пры гуках трубных.
Уваходзіць Бог між радасці і Госпад пры гуку трубы.
Слаўце Бога, слаўце! Выслаўляйце Цара нашага, выслаўляйце!
Спявайце Богу, спявайце. Спявайце Валадару нашаму псальмы.
Бо Бог ёсьць Цар над усенькай зямлёй; сьпявайце-ж мудра.
Бо Валадар усёй зямлі — Бог, спявайце ж з мудрасцю.
Бог царыць над усімі паганамі; Бог уссеўся на сьвятым пасадзе Сваім.
Бог валадарыць над народамі, Бог сядзіць на пасадзе Сваім святым.
Шляхотныя спасярод народаў сабраліся да народу Бога Аўраамавага, бо шчыты на зямлі — Божыя; Ён высака ўзвышан.
Князі народаў сышліся з народам Бога Абрагамава, бо шчыты зямныя — у Бога: Ён узвысіўся вельмі высока.