Псалтыр 6 псалом
Псалтыр
Пераклад Л. Дзекуць-Малея → Пераклад Чарняўскага 2017
Кіраўніку хору: на васьміструнным. Псальм Давідавы.
Кіраўніку хору. Для струнных іструментаў. На актаву. Псальм Давідаў.
Госпадзе! У гневе Сваім не асудзі мяне і ў ярасьці Сваёй не карай мяне!
Госпадзе, не выкрывай мяне ў гневе Тваім, і не асуджай мяне ў абурэнні Тваім.
Зьлітуйся нада мною, Госпадзе, бо я нядужы; вылячы мяне, Госпадзе, бо нутро маё ўстрывожана,
Пашкадуй мяне, Божа, бо я кволы; ацалі мяне, Божа, бо трасуцца косці мае.
і душа мая вельмі спалохана. Ты-ж, Госпадзе, дакуль?
І душа мая надта ўстрывожана, а Ты, Госпадзе, дакуль жа?
Агляніся, Госпадзе, вырві душу маю, спасі мяне дзеля ласкавасьці Тваёй!
Павярніся, Госпадзе, вызвалі душу маю; уратуй мяне дзеля міласэрнасці Тваёй.
Бо ў сьмерці няма памяці аб Табе, і ў магіле хто-ж бы Славіў Цябе?
Бо не ёсць у смерці той, хто помніць Цябе, а ў пекле хто ж будзе Цябе славіць?
Я замарыўся ад уздыханьня; што-ноч паліваю я ложак мой, сьлязамі паліваю пасьцель маю.
Замучыўся я ў стагнанні маім, штоноч абмываў я ложак свой, слязьмі сваімі пасцель сваю паліваў.
Ад тугі запала вока маё, састарэлася ад множства перасьледавацеляў маіх.
Змарнела ў жальбе вока маё, састарэў я сярод усіх непрыяцеляў маіх.
Адступіцеся вон ад мяне, ўсе злачынцы! Бо Госпад пачуў голас плачу майго.
Адступіцеся ад мяне ўсе тыя, што чыніце злачынства, бо Госпад пачуў голас плачу майго.
Госпад выслухаў маленьне маё; Госпад прыймае малітву маю.
Госпад пачуў маленне маё, бо прыняў Госпад малітву маю.
Асаромлены будуць ворагі мае ды крэпка ўстрывожаны: яны павернуцца назад і мігам будуць асаромлены.
Хай жа пасаромяцца і будуць моцна стурбаваныя ўсе непрыяцелі мае; няхай навернуцца і пасаромяцца вокамгненна.