Псалтыр 76 псалом
Псалтыр
Пераклад Л. Дзекуць-Малея → Пераклад Чарняўскага 2017
Кіраўніку хору: на струнных. Псальм Асапавы. Песьня.
Кіраўніку хору. На струнах. Псальм. Асафа. Песня.
Ведамы Бог у Юдэі, вялікае ў Ізраілю імя Яго.
Вядомы ў Юдэі Бог, у Ізраэлі вялікае імя Яго.
Аджа ў Саліме палатка Ягоная і жыльлё Яго на Сыоне.
І ёсць у Салеме хорам Яго, і паселішча Яго ў Сіёне.
Там Ён скрышыў стрэлы луку, шчыт і меч ды вайну. (Зэля)
Там знішчыў Ён прывабнасць лука, шчыт, меч і вайну.
Ты бліскучы, Ты зьяеш, Ты магутней за горы адвечныя.
Ты Дзівосны, што нясеш святло ад гор крадзяжу.
Крэпкія сэрцам дабычай зрабіліся, сон іх зьняў, і мужы дужыя рук сваіх не знайшлі.
Абрабаваныя магутныя сэрцам, паснулі яны сваім сном, і не знайшлі ўсе моцныя мужы рук сваіх.
Ад пагрому Твайго, о Божа Якубавы, і воз ды з канём сном абняты.
Ад папрокаў Тваіх, Божа Якуба, пазаміралі вознік і конь.
Ты страшны, і хто можа ўстаяць прад абліччам Тваім у час гневу Твайго?
Ты — пагрозлівы, і хто супрацівіцца Табе? З таго часу і гнеў Твой.
З неба Ты абвясьціў Свой прысуд, і зямля спалохана й сьціхла,
З неба дазволіў Ты пачуць прысуд; зямля здрыганулася і суцішылася,
калі Бог падняўся на суд, каб даць успамогу ўсім пакорным на зямлі. (Зэля)
калі ўзняўся Бог на суд, каб збавіць усіх пакорлівых на зямлі.
І гнеў чалавечы абернецца ў славу Табе, і астачу сердаваньня Ты ўсьцішыш.
Бо гнеў чалавека будзе вызнаваць Цябе, і рэшткі гневу ўчыняць для Цябе дзень святочны.
Давайце і спаўняйце абяцаньні Госпаду Богу вашаму: усе, што навакол Яго, нясеце дары Страшному.
Прыносьце прысягі і выконвайце [іх] перад Госпадам Богам вашым; усе навокал Яго хай прыносяць дарункі Найвялебнаму.
Ён пазбаўляе духу князёў, Ён страшны для цароў зямных.
Таму, Які адымае дух князёў, Найвялебнаму сярод цароў зямных.