Псалтыр 113 псалом
Псалтыр
Пераклад Л. Дзекуць-Малея → Пераклад Чарняўскага 2017
Альлілуя! Хвалеце, рабы Гасподнія, хвалеце імя Госпада!
Алілуя. Хваліце, слугі Госпадавы, хваліце імя Госпада.
Хай будзе пахвалена імя Гасподняе ад сяньня й навекі!
Хай будзе імя Госпада дабраслаўлёна з [гэтага] часу, цяпер і вечна.
Ад усходу сонца да захаду яго хай будзе ўслаўлена імя Гасподняе!
Ад усходу сонца і да захаду яго хай будзе ўслаўлена імя Госпада.
Высака Госпад над усімі народамі; панад нябёсамі слава Яго.
Госпад узвышаны над усімі народамі, слава Яго над нябёсамі.
Хто падобны да Госпада, нашага Бога, што жыве ў вышыні
Хто ж, як Госпад Бог наш, Які жыве на вышынях?
і схіляецца нізка, каб глянуць на неба й зямлю?
І схіляецца, каб пазіраць на неба і на зямлю?
Што з пылу падыймае гаротніка, з балота ўзносе ўбогага,
Падымае Ён з зямлі ўбогага, з гною выцягвае беднага,
каб пасадзіць яго побач з магнатамі, сярод магнатаў народу яго?
каб памясціць яго з князямі, з князямі народа Свайго.
Што бясплодную й бяздомную робіць маткаю, якая радуецца над дзяцьмі? Альлілуя!
Ён робіць так, што няплодная пасяляецца ў доме як маці, што радуецца сынам.
