Псалтыр 57 псалом
Псалтыр
Пераклад Л. Дзекуць-Малея → Пераклад Чарняўскага 2017
Кіраўніку хору: на лад: Не загубляй! Залаты псальм Давіда, калі ўцякаў ад Саула ў пячору.
Кіраўніку хору. Паводле «Не руйнуй». Давідаў. Міктам. Калі ён уцёк ад Саўла ў пячору.
Зьмілуйся нада мною, о Божа, зьмілуйся! Бо ў Цябе я шукаю патолі і ў цяню Тваіх крыльляў шукаць буду прыпынку, пакуль ня мінецца загуба.
Злітуйся нада мною, Божа, злітуйся нада мной, бо ў Цябе шукае абароны душа мая. У засені крылаў Тваіх буду шукаць прытулку, пакуль не міне нядоля.
Клічу да Бога Ўсявышняга, да Бога, што справу маю вядзе за мяне.
Клічу Бога Найвышэйшага, Бога, Які спагадае мне.
Ён з неба пашле і ўспаможа мяне; Ён тых асароміць, што хочуць мяне праглынуці; ласку Сваю пашлець Бог ды праўду Сваю.
Ён сашле з неба і вызваліць мяне, Ён аддасць на ганьбу тых, што тапталі мяне. Сашле Бог міласэрнасць Сваю і праўду Сваю.
Душа мая міжы львоў, я ляжу сярод тых, што палаюць агнём, сярод людзей, што зубы іх — дзіды і стрэлы, языкі-ж — мячы вострыя.
Душа мая ляжыць сярод ільвятаў, што зжыраюць сыноў чалавечых. Зубы іх — зброя і стрэлы, а язык іх — востры меч.
Узьнясіся над неба, о Божа, каб слава Твая па ўсенькай зямлі лунала.
Уздыміся, Божа, па-над нябёсы, а слава Твая па ўсёй зямлі.
Дзеля ног маіх сетку наставілі, прыгнялі яны душу маю,
Наставілі пасткі на ногі мае, і надламілася душа мая; выкапалі дол перада мною, і самі ўваліліся ў яго.
прада мною яму капалі, ды самі ў яе ўваліліся. (Зэля)
Прыгатавана сэрца маё, Божа, прыгатавана сэрца маё; буду спяваць і граць псальмы.
Сэрца маё гатова, о Божа, маё сэрца гатова пяяці й іграці Табе.
Прачніся, слава мая, прачніцеся, гуслі і кіфара, я абуджу світанне.
Ачуняй, мая слава! Збудзіцеся, гусьлі мае і псалтыр! Я разбуджу сьвітаньне.
Буду вызнаваць Цябе, Госпадзе, між народамі, буду спяваць Табе псальмы сярод плямёнаў.
Буду славіць Цябе між народамі, Госпадзе, буду славіць Цябе між паганамі!
Бо ўзвысілася да самых нябёсаў міласэрнасць Твая і да самых аблокаў — праўда Твая.
Бо аж да неба вялікая ласка Твая і праўда Твая да аблокаў.
Уздыміся, Божа, па-над нябёсы, па ўсёй зямлі — слава Твая.
Узьнясіся над неба, о Божа, каб слава Твая па ўсенькай зямлі лунала!