Псалтыр 124 псалом

Псалтыр
Пераклад Л. Дзекуць-Малея → Пераклад Чарняўскага 2017

 
 

Песьня ўзыходжаньня. Давідавая,Калі-б ня было з намі Госпада, — скажы, о Ізраіль! —
 
Песня ўзыходжання. Давідава. Калі б не Госпад быў з намі, хай скажа цяпер Ізраэль,

калі-б ня было з намі Госпада, як людзі супраць нас паўставалі,
 
Калі б не Госпад быў з намі, калі людзі паўсталі супраць нас:

дык яны-б нас жывымі тады праглынулі, як іх гнеў распаліўся на нас.
 
адразу праглынулі б яны нас жывымі, калі б разгарэлася іх абурэнне на нас,

Тады-б воды нас затапілі, паток нас заліў-бы,
 
Напэўна, вада затапіла б нас, ручай праплыў бы праз душу нашу;

тады-б пранясьліся над намі воды бурлівыя.
 
напэўна, праплылі б праз душу нашу бурлівыя воды.

Багаслаўлены Госпад, што нас не аддаў іх зубам, як здабычу.
 
Дабраславёны Госпад, Які не даў нас на здабычу ў зубы іх.

Душа наша ўцякла, быццам птушка з сіла паляўнічага: сець парвана, і вось мы на волі!
 
Душа наша, як верабей, вырвалася з сіла птушкаловаў: сіло парвалася, а мы вызваліліся.

Наша ўспамога — у імені Госпада, Які неба стварыў і зямлю.
 
Успамога наша ў імю Госпада, Які стварыў неба і зямлю.