Псалтыр 124 псалом
Псалтыр
Пераклад Антонія Бокуна → Пераклад Чарняўскага 2017
Сьпеў узыходжаньня. Давіда. Калі б не было з намі ГОСПАДА, — скажы, прашу, Ізраіль, —
Песня ўзыходжання. Давідава. Калі б не Госпад быў з намі, хай скажа цяпер Ізраэль,
калі б не было з намі ГОСПАДА, калі паўстаў супраць нас чалавек,
Калі б не Госпад быў з намі, калі людзі паўсталі супраць нас:
тады яны б нас жывымі праглынулі, калі гнеў іхні распаліўся на нас,
адразу праглынулі б яны нас жывымі, калі б разгарэлася іх абурэнне на нас,
тады б воды нас затапілі, струмень заліў бы душы нашыя,
Напэўна, вада затапіла б нас, ручай праплыў бы праз душу нашу;
тады б воды бурлівыя залілі б душы нашыя.
напэўна, праплылі б праз душу нашу бурлівыя воды.
Дабраслаўлёны ГОСПАД, Які не аддаў нас зубам іхнім, як здабычу.
Дабраславёны Госпад, Які не даў нас на здабычу ў зубы іх.
Душа наша ўцякла, быццам птушка з сіла птушкалова; сіло парванае, і мы ўцяклі!
Душа наша, як верабей, вырвалася з сіла птушкаловаў: сіло парвалася, а мы вызваліліся.
Дапамога нашая — у імені ГОСПАДА, Які стварыў неба і зямлю.
Успамога наша ў імю Госпада, Які стварыў неба і зямлю.
