Псалтыр 147 псалом
Псалтыр
Пераклад Антонія Бокуна → Пераклад Чарняўскага 2017
Хвалеце ГОСПАДА, бо Ён добры; выслаўляйце Бога нашага, бо прыемна гэта. Хвала належыць Яму!
Алілуя. Хваліце Госпада, бо Ён добры, спявайце псальмы Богу нашаму, бо Ён мілы, Яму належыць хвала.
ГОСПАД будуе Ерусалім, зьбірае выгнанцаў Ізраіля.
Госпад будуе Ерузалім, збірае расцярушаных з Ізраэля.
Ён лечыць скрышаных сэрцам і перавязвае раны іхнія.
Ён лечыць зламаных духам і перавязвае іх раны;
Ён вызначае лік зоркам, кожную імем яе называе.
Ён вызначае лік зорак і ўсім ім дае імёны.
Вялікі Госпад наш і багаты сілай, розум Ягоны меры ня мае.
Вялікі Госпад наш і вялікі магуццем, няма ліку мудрасці Яго.
ГОСПАД дапамагае ўцісканым, бязбожнікаў да зямлі паніжае.
Госпад падтрымлівае пакорлівых, а грэшнікаў прыніжае аж да зямлі.
Адкажыце ГОСПАДУ падзякай, выслаўляйце Бога нашага на гусьлях.
Спявайце Госпаду песню падзякі, грайце псальмы Госпаду нашаму на цытры.
Ён закрывае неба хмарамі, рыхтуе для зямлі дождж, узрошчвае траву на гарах,
Ён закрывае неба хмарамі і ўдабрае зямлю дажджом, Ён вырошчвае траву на гарах і траву, карысную людзям.
дае скаціне спажыву яе, і груганятам, што крычаць да Яго.
Ён дае ежу жывёле Сваёй і вараняткам, якія прызываюць Яго.
Ня ў сіле каня Ён мае ўпадабаньне і ня ногі мужа даспадобы Яму,
Не захапляе Яго сіла каня, ані сіла ног чалавечых.
але даспадобы ГОСПАДУ тыя, што баяцца Яго, што спадзяюцца на міласэрнасьць Ягоную.
Падабаюцца Госпаду тыя, што Яго шануюць, і тыя, што ўсклалі надзею на міласэрнасць Яго.
Слаў ГОСПАДА, Ерусалім, хвалі Бога твайго, Сыёне!
Хвалі, Ерузалім, Госпада, выслаўляй Бога твайго, Сіён.
Бо Ён умацаваў завалы брамаў тваіх, дабраславіў сыноў тваіх пасярод цябе.
Бо Ён умацаваў засаўкі брамаў тваіх, дабраславіў сыноў тваіх у табе.
Ён дае супакой у межах тваіх, тлустасьцю пшаніцы насычае цябе.
Ён усталёўвае супакой як межы твае і да сытасці корміць цябе пшаніцаю.
Ён спасылае слова Сваё на зямлю, вельмі хутка бяжыць пастанова Ягоная!
Пускае прырачэнне Сваё на зямлю, хутка ляціць Яго слова.
Ён дае сьнег, быццам воўну, сыпле шэрань, як попел.
Ён дае снег, быццам воўну, іней, быццам попел, рассыпае.
Ён кідае лёд Свой кавалкамі; перад марозам Ягоным хто можа ўстаяць?
Кідае градам Сваім, як крошкамі [хлеба]; хто ўтрывае перад сцюжаю Яго?
Ён пасылае слова Сваё, і растапляецца [ўсё]; Ён павее ветрам Сваім, і воды цякуць.
Пашле Ён слова Сваё, і растопіць іх; павее вецер Яго, і пацякуць воды.
Ён паведаміў слова, слова Сваё Якубу, пастановы Свае і суды Свае — для Ізраіля.
Ён абвяшчае слова сваё Якубу, справядлівасці і загады Свае — Ізраэлю.
Не зрабіў такога ніводнаму народу, і судоў Ягоных не пазналі яны. Альлелюя!
Ніводнаму народу не зрабіў так, і не аб’явіў ім сваіх прысудаў. Алілуя.