Псалтыр 47 псалом
Псалтыр
Пераклад Антонія Бокуна → Пераклад Чарняўскага 2017
Кіраўніку хору. Сыноў Караха. Псальм.
Кіраўніку хору. Сыноў Корэ. Псальм.
Усе народы, пляскайце рукамі, усклікайце Богу голасам радасьці!
Усе народы пляскайце ў далоні, слаўце Бога голасам радасці.
Бо страшны ГОСПАД Найвышэйшы, Валадар вялікі над усёй зямлёю.
Бо Госпад — найвышэйшы, страшны, магутны Валадар над усёй зямлёй.
Ён скарыў народы, і [кінуў] паганаў пад ногі нашыя.
Ён падначальвае нам народы і плямёны пад нашы ногі.
Ён выбраў для нас спадчыну нашую, гонар Якуба, якога Ён палюбіў. (Сэлях)
Выбраў Ён для нас спадчыну нашу, хвалу Якуба, якога палюбіў.
Узьняўся Бог з гукам гучным, ГОСПАД [узьняўся] пры голасе трубы.
Уваходзіць Бог між радасці і Госпад пры гуку трубы.
Выслаўляйце Бога, выслаўляйце! Выслаўляйце Валадара нашага, выслаўляйце!
Спявайце Богу, спявайце. Спявайце Валадару нашаму псальмы.
Бо Валадар над усёй зямлёй — [гэта] Бог; выслаўляйце [Яго] з разуменьнем.
Бо Валадар усёй зямлі — Бог, спявайце ж з мудрасцю.
Валадарыць Бог над усімі народамі; Бог сядзіць на пасадзе сьвятасьці Сваёй.
Бог валадарыць над народамі, Бог сядзіць на пасадзе Сваім святым.
Магнаты народаў сабраліся разам з народам Бога Абрагама, бо шчыты зямлі — Божыя; Ён высока ўзьняты.
Князі народаў сышліся з народам Бога Абрагамава, бо шчыты зямныя — у Бога: Ён узвысіўся вельмі высока.