Псалтыр 47 псалом
Псалтыр
Пераклад Антонія Бокуна → Пераклад Яна Станкевіча
Кіраўніку хору. Сыноў Караха. Псальм.
Кіраўніку хору. Сыноў Корыных. Псальма.
Усе народы, пляскайце рукамі, усклікайце Богу голасам радасьці!
Біце ў ладкі, усі люды, гукайце Богу голасам радасьці;
Бо страшны ГОСПАД Найвышэйшы, Валадар вялікі над усёй зямлёю.
Бо СПАДАР Навышні страшны, — вялікі Кароль над усёй зямлёю;
Ён скарыў народы, і [кінуў] паганаў пад ногі нашыя.
Ён паддаў люды пад нас і народы пад ногі нашы;
Ён выбраў для нас спадчыну нашую, гонар Якуба, якога Ён палюбіў. (Сэлях)
Ён абраў нам спадак наш, гордасьць Якававу, каторага Ён любе. Сэля.
Узьняўся Бог з гукам гучным, ГОСПАД [узьняўся] пры голасе трубы.
Узышоў Бог сярод гуканьня, СПАДАР сярод гуку трубнага.
Выслаўляйце Бога, выслаўляйце! Выслаўляйце Валадара нашага, выслаўляйце!
Пяіце Богу, пяіце; пяіце Каралю нашаму, пяіце;
Бо Валадар над усёй зямлёй — [гэта] Бог; выслаўляйце [Яго] з разуменьнем.
Бо Кароль усяе зямлі Бог; пяіце разумна.
Валадарыць Бог над усімі народамі; Бог сядзіць на пасадзе сьвятасьці Сваёй.
Бог каралюе над народамі, Бог сеў на сьвятым пасадзе Сваім.
Магнаты народаў сабраліся разам з народам Бога Абрагама, бо шчыты зямлі — Божыя; Ён высока ўзьняты.
Валадары людаў зьбіраюцца, як люд Бога Абрагамовага; бо шчыты зямлі — Божыя. Ён надта ўзьвялічаны.
