Псалтыр 2 псалом
Псалтыр
Пераклад Антонія Бокуна → Пераклад Яна Станкевіча
Чаму бунтуюцца народы, і плямёны задумваюць марнае?
Нашто бунтуюцца народы, і люды задумляюць пустое?
Паўстаюць валадары зямлі, і князі сабраліся разам супраць ГОСПАДА і супраць Памазанца Ягонага:
Паўстаюць каралі земныя, і начэльнікі радзяцца разам супроці СПАДАРА а супроці памазанца Ягонага:
«Парвема кайданы іхнія і путы іхнія скіньма з сябе!»
«Разарвем зялезьзі іхныя і ськінем ізь сябе путы іхныя».
Той, Які жыве ў небе, будзе сьмяяцца, Госпад будзе кпіць з іх.
Сядзячы на нябёсах усьміхаецца, Спадар насьміхаецца зь іх.
І скажа да іх у гневе Сваім, і ў ярасьці Сваёй напужае іх:
Тады кажа Ён ім у гневе Сваім і шпарчынёю Сваёю палохае іх:
«Гэта Я паставіў Валадара Майго на Сыёне, гары Маёй сьвятой!»
«Гэта ж Я памазаў Караля Свайго на Сыёне — гары сьвятой Сваёй».
Я абвяшчу пастанову: «ГОСПАД сказаў да Мяне: “Ты — Сын Мой, Я сёньня нарадзіў Цябе!
Я азнаймлю праз уставу: СПАДАР сказаў Імне: «Сын мой Ты, Я сядні нарадзіў Цябе.
Зажадай ад Мяне, і дам Табе народы зямлі ў спадчыну, і межы зямныя — на ўласнасьць Табе.
Прасі ў Мяне, Я дам народы на спадак Табе і за дзяржаву Тваю — канцы зямлі.
Кіем жалезным паб’еш іх, быццам начыньне глінянае скрышыш іх”».
Ты разаб’еш іх зялезным кіям і, як судзьдзё ганчарова, растаўчэш іх».
Дык цяпер, валадары, зразумейце, навучыцеся, судзьдзі зямлі!
Дык цяперака, каралі, будзьце кемныя; вучыцеся, судзьдзі зямлі!
Служыце ГОСПАДУ са страхам і радуйцеся з дрыжаньнем.
Служыце СПАДАРУ з боязьняю і цешчася з дрыжэньням.
Ушануйце Сына, каб не разгневаўся і каб ня зьнішчыў шляху [вашага], бо неўзабаве ўзгарыцца гнеў Ягоны! Шчасьлівыя ўсе, якія ў Ім маюць надзею.
Цалуйце Сына, каб Ён не загневаўся, і вы ня згубілі дарогі; бо ўзгарыцца неўзабаве гнеў Ягоны. Шчасьлівыя ўсі, што ўцякаюць да Яго.
