Псалтыр 47 псалом
Псалтыр
Пераклад Чарняўскага 2017 → Пераклад Яна Станкевіча
Кіраўніку хору. Сыноў Корэ. Псальм.
Кіраўніку хору. Сыноў Корыных. Псальма.
Усе народы пляскайце ў далоні, слаўце Бога голасам радасці.
Біце ў ладкі, усі люды, гукайце Богу голасам радасьці;
Бо Госпад — найвышэйшы, страшны, магутны Валадар над усёй зямлёй.
Бо СПАДАР Навышні страшны, — вялікі Кароль над усёй зямлёю;
Ён падначальвае нам народы і плямёны пад нашы ногі.
Ён паддаў люды пад нас і народы пад ногі нашы;
Выбраў Ён для нас спадчыну нашу, хвалу Якуба, якога палюбіў.
Ён абраў нам спадак наш, гордасьць Якававу, каторага Ён любе. Сэля.
Уваходзіць Бог між радасці і Госпад пры гуку трубы.
Узышоў Бог сярод гуканьня, СПАДАР сярод гуку трубнага.
Спявайце Богу, спявайце. Спявайце Валадару нашаму псальмы.
Пяіце Богу, пяіце; пяіце Каралю нашаму, пяіце;
Бо Валадар усёй зямлі — Бог, спявайце ж з мудрасцю.
Бо Кароль усяе зямлі Бог; пяіце разумна.
Бог валадарыць над народамі, Бог сядзіць на пасадзе Сваім святым.
Бог каралюе над народамі, Бог сеў на сьвятым пасадзе Сваім.
Князі народаў сышліся з народам Бога Абрагамава, бо шчыты зямныя — у Бога: Ён узвысіўся вельмі высока.
Валадары людаў зьбіраюцца, як люд Бога Абрагамовага; бо шчыты зямлі — Божыя. Ён надта ўзьвялічаны.
