Псалтыр 110 псалом

Псалтыр
Пераклад Чарняўскага 2017 → Пераклад Яна Станкевіча

 
 

Давідаў. Псальм. Сказаў Госпад Госпаду майму: «Сядзь праваруч Мяне, аж дакуль пакладу непрыяцеляў Тваіх пад ногі Твае».
 
Псальма Давідава. Агаласіў СПАДАР Спадару майму: «Сядзі праваруч Мяне, пакуль зраблю непрыяцеляў Тваіх казулькаю Тваёй».

Жазло магуцця Твайго вышле Госпад з Сіёна: «Валадар Ты сярод непрыяцеляў Тваіх!
 
Ськіпетру сілы Твае пашлець СПАДАР із Сыёну: радзь сярод непрыяцеляў Сваіх.

За Табою першынства ў дзень магуцця Твайго, у ззянні святым, з улоння на досвітку нарадзіў я Цябе».
 
Люд Твой ахвотны ў дзень сілы Твае. У харашыні сьвятасьці ад дзетніцы, ад золку Ты маеш расу маладосьці Свае.

Прысягнуў Госпад і не пашкадуе: «Ты святар навекі на ўзор Мэльхісэдэха».
 
Прысягнуў СПАДАР і ня каяцца: «Ты сьвятар на векі подле парадку Мелхісэдэкавага».

Госпад праваруч Цябе: у дзень гневу Свайго зрыне Ён цароў.
 
Спадар па правіцы Тваёй; разьмяжджуле ў дзень гневу Свайго каралёў;

Ён будзе судзіць народы: будзе поўна трупаў, зрыне Ён галовы на зямной прасторы.
 
Будзе судзіць сярод паган, напоўне трупамі, разьмяжджуле галавы ў чысьленых краёх.

Па дарозе нап’ецца з ручая і дзеля таго падыме галаву.
 
З цур’я на дарозе будзе піць, затым падыйме галаву.