Псалтыр 60 псалом
Псалтыр
Пераклад Чарняўскага 2017 → Пераклад Яна Станкевіча
Кіраўніку хору. Паводле «Лілея закону». Міктам. Давідаў. Дзеля павучання.
Кіраўніку хору. На Шушан-Едуф. Пісань Давідава, да навукі,
Калі ён выступіў супраць Арам-Нагараім і Арам-Соба, і калі Ёас, вярнуўшыся, перамог Эдом у Саляным лагу: дванаццаць тысяч [чалавек].
Як ён ваяваў із Сыраю Месопотамскаю а із Сыраю Цоўскаю, і зьвярнуўся Ёаў, і пабіў Едома ў даліне Салонай двананцаць тысячаў.
Адпіхнуў Ты нас, Божа, зруйнаваў нас. Ты раззлаваны. Павярніся да нас.
Божа! Ты пакінуў нас, зламіў нас, Ты загневаўся; зьвярніся да нас.
Ты страсянуў зямлёю, расшчапіў яе; загаі шчыліны яе, бо хістаецца.
Ты патрос зямлю, раськяпіў яе: уздараві яе шчэліны, бо яна хістаецца.
Паказаў Ты народу Твайму цяжкасці, напаіў нас віном зменлівасці.
Ты паказаў цяжкасьці люду Свайму, Ты напаіў нас віном дурнячым.
Тым, хто баіцца Цябе, Ты даў знак, каб уцякалі яны ад лука.
Тым, што баяцца Цябе, Ты даў харугаў, каб паднялі яе дзеля праўдзівасьці (Сэля),
Каб уцалелі, успамажы нам правіцаю Тваёй і выслухай нас.
Каб вывальніліся любовыя твае. Памажы правіцаю Сваёю і адкажы нам!
Прамовіў Бог у святыні Сваёй: «Узвесялюся і парозню Сіхэм і памераю лагчыну Сукот.
Бог казаў у сьвятасьці Сваёй: «Узрадуюся, падзялю Шыхем і даліну Сукофскую памераю.
Мой Галаад і мой Манаса, а Эфраім — цвярдыня галавы маёй. Юда — жазло маё.
Ґілеад Мой, і Манас Мой, і Яхрэм сіла галавы Мае, Юда правадаўца Мой,
Мааб — посуд мой для мыцця, на Эдом пастаўлю чаравік мой, па-над Філістэяй узнясу покліч мой».
Моаў мыйніца Мая, на Едома кіну бот Свой. Над Пілістаю буду гукаць».
Хто завядзе мяне ў горад абаронны? Хто адвядзе мяне аж да Эдома?
Хто ўвядзець мяне ў умацаванае места? хто завядзець мяне аж да Едому?
Ці ж не Ты, Божа, Які адрынуў нас, ці ж не ўзвысішся Ты, Божа, сярод магуццяў нашых?
Ці ня ты, Божа, пакінуў нас, і ня выходзіш, Божа, у войсках нашых?
Дай нам успамогу ў бядзе, бо марнае збаўленне людское.
Падай нам памогу супроці ворага, бо дарма людзкі ратунак.
З Богам учынім мы магутнасць, і Ён стопча пераследнікаў нашых.
У Богу і мы будзем дзеяць адважна, Ён патопча варагоў нашых.