Псалтыр 121 псалом

Псалтыр 121 псалом

Псалтыр
Пераклад Чарняўскага 2017 → Пераклад Яна Станкевіча

Песня ўзыходжання. Падымаю свае вочы на горы: адкуль мае прыйсці мне дапамога?

Песьня на ўступцох. Уздымаю вочы свае на горы, скуль прыходзе помач мая.

Дапамога мая ў Госпада, Які стварыў неба і зямлю.

Помач мая ад СПАДАРА, Каторы ўчыніў неба й зямлю.

Не дасць Ён пахіснуцца тваёй назе, не задрэмле Той, Хто пільнуе цябе.

Ён ня дасьць пакаўзнуцца назе тваёй; не задрэме Сьцерагучы цябе;

Вось жа не задрэмле і не заспіць Той, Хто пільнуе Ізраэль.

Вось, ня дрэме ані сьпіць Сьцерагучы Ізраеля.

Госпад пільнуе цябе, Госпад — шаты твае праваруч цябе.

СПАДАР — Сьцерагучы цябе, СПАДАР — сьцень твой справа.

Сонца не зашкодзіць табе днём, ані ноччу месяц.

Удзень сонца ня вытне цябе, ані месяц ночы.

Госпад будзе пільнаваць цябе ад усялякага ліха; пільнаваць будзе душу тваю Госпад.

СПАДАР усьцеражэць цябе ад усёга благога, усьцеражэць душу тваю.

Госпад будзе пільнаваць выхад твой і ўваход твой ад гэтага часу і навечна.

СПАДАР усьцеражэць выхад твой і ўход твой адгэтуль і аж на векі.

Біблія