Псалтыр 92 псалом
Псалтыр
Пераклад Чарняўскага 2017 → Пераклад Яна Станкевіча
Псальм. Песня. На дзень шабату.
Псальма. Песьня на дзень сыботні.
Як жа добра вызнаваць Госпада і спяваць псальмы імю Твайму, Найвышэйшы!
Добра дзякаваць СПАДАРУ, пяяць хвалы імені Твайму, Навышні,
Раніцай абвяшчаць Тваю міласэрнасць, і праўду Тваю — уначы.
Павядаць нараніцы ласку Тваю, а вернасьць Тваю ночы,
На дзесяціструнным, і на гуслях, са спевам пад цытру.
На дзесяціструнным а на ліры, на гіґіёне гарпаю;
Бо пацешыў Ты мяне, Госпадзе, Сваім стварэннем, і я буду радавацца справам рук Тваіх.
Затым што Ты разьвесяліў мяне, СПАДАРУ, учынкамі Сваімі, праз справы рук Тваіх пяю.
Якія ж велічныя справы Твае, Госпадзе: надзвычай глыбокімі сталіся задумы Твае!
Як узьвялічыліся справы Твае, СПАДАРУ! вельма глыбокія думкі Твае!
Неразумны чалавек не спазнае і бязглузды не зразумее гэтага.
Недасьціпны ня знае, дурны ня ўцяме гэтага.
Няхай грэшныя разрастуцца, як трава, і будуць квітнець усе тыя, што чыняць несправядлівасць, аднак гэта будзе [ім] на згубу на векі вечныя;
Як красуюць нягоднікі, бы трава, і квітуць усі ліхадзеі, каб быць зьнішчанымі на векі.
а Ты, Госпадзе, вечна Найвышэйшы.
А Ты, СПАДАРУ, узвышаны на векі!
Бо вось, непрыяцелі Твае, Госпадзе, бо вось, непрыяцелі Твае загінуць і расцярушацца ўсе, што чыняць несправядлівасць.
Бо, вось, непрыяцелі Твае, СПАДАРУ, бо, вось, непрыяцелі Твае загінуць, усі ліхадзеі рассыпяцца.
Ты ўзвысіш рог мой, як у адзінарога, атрымаў я багатае намашчэнне алейкам.
Ты падыймеш, як адзінарога, рог мой, я быў памазаны сьвежым алеям;
Вока маё з пагардаю глядзела на непрыяцеляў маіх, ды пра загубу ліхотнікаў, што паўстаюць на мяне, пра ліхадзеяў радасна слухала вуха маё.
І паглядзіць вока мае на цікуючых на мяне, праз паўстаючых на мяне ліхадзеяў пачуе вуха мае.
Справядлівы будзе квітнець, як пальма; быццам кедр лібанскі, узрасце.
Справядлівы, як пальма, квіціць, як кедру на Лібане, яго выжане.
Пасаджаныя ў Госпадавым доме, у дзядзінцы Бога нашага заквітнеюць.
Пасаджаныя ў доме СПАДАРОВЫМ, заквітуць на панадворках Бога нашага;
Будуць прыносіць плады ў старасці, сакавітыя будуць і поўныя свежасці,
І ў сівізьне радзіць будуць, сакаўныя а зялёныя будуць,
Каб вясціць, што Госпад справядлівы, прыстанішча маё, і няма несправядлівасці ў Ім.
Каб абяшчаць, што СПАДАР справядлівы, скала мая і нямаш несправядлівасьці ў Ім.
