Псалтыр 108 псалом
Псалтыр
Пераклад Чарняўскага 2017 → Пераклад Яна Станкевіча
Песня. Псальм. Давідаў.
Песьня. Псальма Давідава.
Прыгатавана сэрца маё, Божа, прыгатавана сэрца маё, буду спяваць і граць псальмы. Добра, хвала мая!
Гатова сэрда мае, Божа; буду пяяць а выхваляць, навет і чэсьць мая.
Прабудзіся, гуслі і цытра, абуджу я зараніцу.
Прачхніся, псалтыру а гарпа; я прачхнуся на золку.
Буду вызнаваць Цябе, Госпадзе, між народамі, буду Табе граць псальмы сярод людзей,
Буду выхваляць Цябе сярод людаў, СПАДАРУ, буду пяяць хвалы Табе сярод народаў;
бо міласэрнасць Твая вялікая аж да нябёсаў і аж да воблакаў праўда Твая.
Бо над нябёсы ласка Твая, і праўда Твая аж да булакоў.
Падыміся над нябёсамі, Божа, і над ўсёй зямлёю — слава Твая.
Узьніміся, Божа, над нябёсы, і над усёю зямлёю чэсьць Твая,
Каб вызваліліся ўмілаваныя Твае, дай збаўленне правіцай Тваёй і выслухай мяне.
Каб вывальніліся любовыя Твае; выбаві правіцаю Сваёй і адкажы імне.
Прамовіў Бог у святыні Сваёй: «Узрадуюся і падзялю Сіхэм і памераю лагчыну Сукот;
Бог казаў у сьвятасьці Сваёй: «Узрадуюся, падзялю Шыхем і даліну Сукофскую памераю.
мой Галаад і мой Манасэс, і Эфраім — цвярдыня галавы маёй, Юда — скіпетр мой.
Ґілеад Мой, Манас Мой і Яхрэм сіла галавы Мае, Юда правадаўца Мой.
Моаб — конаўка для абмывання Майго, над Ідумеяй узнясу чаравік мой, над Філістэяй усклікаць буду».
Моаў мыйніца Мая, на Едома кіну бот свой, над Пілістаю буду гукаць».
Хто давядзе мяне ў абаронны горад? Хто давядзе мяне аж да Ідумеі?
Хто ўвядзець мяне ў умацаванае места? хто завядзець мяне аж да Едому?
Хіба Ты, Божа, Які адпіхнуў нас? Ці ўжо не выйдзеш, Божа, з нашымі сіламі?
Ці ня Бог пакінуў нас і ня выходзе Бог у войсках нашых?
Дай нам успамогу ад прыгнёту, бо марны ратунак людскі.
Падай нам памогу супроці ворага, бо дарма людзкі ратунак.
З Богам праявім магуцце, і Ён стопча нашых непрыяцеляў.
У Богу мы будзем дзеяць адважна, Ён патопча варагоў нашых.