Псалтыр 3 псалом
Псалтыр
Пераклад Чарняўскага 2017 → Пераклад Яна Станкевіча
Псальм Давідаў, калі ўцякаў ад свайго сына Абсалома.
Псальма Давідава, як ён уцякаў ад відзеньня Аўсалома, сына свайго.
Божа, як жа многа тых, што непакояць мяне, як шмат бунтуюцца супраць мяне!
СПАДАРУ! як павялічыліся ўцісканьнікі мае! Шмат хто паўстаець супроці мяне;
Многія вось кажуць душы маёй: «Няма яму збаўлення ў Богу».
Шмат хто кажа душы маёй: «Няма яму спасеньня ад Бога».
Ты ж, Госпадзе, Божа, шчыт мой, хвала мая Ты, галаву падымаеш мне ўверх.
А Ты, СПАДАРУ, шчыт імне, слава мая і ўзьніманьнік галавы мае.
Клічам сваім прызываў я Госпада. І выслухаў Ён мяне з гары Сваёй святой.
Голасам сваім да СПАДАРА я гукаю, і Ён адказуе імне ізь сьвятое гары Свае. Сэля.
Я лёг і выспаўся, устаў, бо Госпад ахоўвае мяне.
Я клаўся і спаў, і прачыхаўся, бо СПАДАР падзьдзержуе мяне.
Не збаюся і тысячы людзей, што навокал мяне абступілі.
Не спалохаюся я дзесяцёх тысячаў люду, што наўкола абступілі мяне.
Узніміся, Госпадзе! Ухавай мяне, Божа мой! Бо па шчацэ даў Ты ўсім супраціўнікам маім, павыбіваў Ты зубы грэшнікам.
Паўстань, СПАДАРУ! спасі мяне, о Божа мой! бо Ты тнеш усіх непрыяцеляў маіх у шчаку, зубы бязбожным Ты ломіш.
У Бога бо збаўленне, і дабраславенне Тваё Твайму народу!
У СПАДАРА спасеньне; дабраславенства Твае над людам Тваім. Сэля.
