Псалтыр 3 псалом
Псалтыр
Пераклад Чарняўскага 2017 → Пераклад Васіля Сёмухі
Псальм Давідаў, калі ўцякаў ад свайго сына Абсалома.
Псальма Давіда, калі ён уцякаў ад Авэсалома, сына свайго.
Божа, як жа многа тых, што непакояць мяне, як шмат бунтуюцца супраць мяне!
Госпадзе! — як пабольшала ворагаў маіх! як многа іх на мяне паўстае!
Многія вось кажуць душы маёй: «Няма яму збаўлення ў Богу».
Шмат каторыя кажуць душы маёй: «Няма яму ў Богу ратунку!»
Ты ж, Госпадзе, Божа, шчыт мой, хвала мая Ты, галаву падымаеш мне ўверх.
Але Ты, Госпадзе, — шчыт перада мною, слава мая, і Ты ўзносіш маю галаву.
Клічам сваім прызываў я Госпада. І выслухаў Ён мяне з гары Сваёй святой.
Сваім голасам клічу да Госпада, — і Ён чуе мяне са сьвятое гары Свае.
Я лёг і выспаўся, устаў, бо Госпад ахоўвае мяне.
Кладуся я, сплю і ўстаю, бо Гасподзь абараняе мяне.
Не збаюся і тысячы людзей, што навокал мяне абступілі.
І не збаюся я процьмы людзей, што адусюль аблажылі мяне.
Узніміся, Госпадзе! Ухавай мяне, Божа мой! Бо па шчацэ даў Ты ўсім супраціўнікам маім, павыбіваў Ты зубы грэшнікам.
Паўстань, Госпадзе! ацалі мяне, Божа мой! бо Ты б’еш маіх ворагаў па шчацэ, зубы грэшнікам крышыш.
У Бога бо збаўленне, і дабраславенне Тваё Твайму народу!
Ратунак у Госпадзе. Над народам Тваім дабраслаўленьне Тваё.
