Псалтыр 67 псалом

Псалтыр
Пераклад Чарняўскага 2017 → Пераклад Яна Станкевіча

 
 

Кіраўніку хору. На струнах. Псальм. Песня.
 
Кіраўніку хору. На струнных снадзях. Псальма. Песьня.

Хай злітуецца Бог над намі і падабраславіць нас; хай пралье святло аблічча Свайго над намі,
 
Хай Бог зьмілуецца над намі і дабраславе нас, зазьзяе відам Сваім над намі (Сэля),

каб пазналі на зямлі шлях Твой, між усіх народаў — збаўленне Тваё.
 
Каб пазнаць на зямлі дарогу Тваю, сярод усіх народаў спасеньне Твае.

Хай вызнаюць Цябе народы, Божа; хай вызнаюць Цябе народы ўсе.
 
Няхай хваляць Цябе люды, Божа; няхай хваляць Цябе ўсі людзі!

Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.
 
Няхай народы вяселяцца а пяюць, бо Ты судзіш людзёў справядліва й радзіш народы на зямлі. Сэля.

Хай вызнаюць Цябе народы, Божа, хай вызнаюць Цябе народы ўсе.
 
Няхай люды хваляць Цябе, Божа; няхай хваляць Цябе ўсі людзі!

Зямля дала плод свой; хай дабраславіць нас Бог, Бог наш,
 
Зямля дала свой урод: дабраславіў нас Бог, Бог наш.

хай дабраславіць нас Бог, і няхай баяцца Яго ўсе канцы зямлі.
 
Дабраславіў нас Бог, і будуць баяцца Яго ўсі канцы зямлі.