Псалтыр 126 псалом

Псалтыр
Пераклад Чарняўскага 2017 → Пераклад Яна Станкевіча

 
 

Песня ўзыходжання. Калі Госпад адмяняў няволю Сіёна, сталіся мы быццам ува сне.
 
Песьня на ўступцох. Як зварачаў СПАДАР палоненікаў Сыёну, мы былі бы ў сьненьню.

Тады вусны нашыя былі поўныя смеху, а язык наш — радасці. Тады гаварылі між паганаў: «Вялікае ўчыніў з імі Госпад».
 
Тады, былі поўныя сьмеху вусны нашыя, і язык наш — пяцьця; тады гукалі меж паганаў: «Вялікія рэчы ўчыніў СПАДАР ізь імі!»

Вялікае ўчыніў Госпад з намі: сталіся мы радаснымі.
 
Вялікія рэчы ўчыніў СПАДАР із намі: мы вясёлыя.

Адмяні, Госпадзе, няволю нашу, як ручаі ў паўднёвай зямлі.
 
Зьвярні палон нашы, СПАДАРУ, як цур’і на паўдня.

Тыя, што сеюць са слязамі, з радасцю жаць будуць.
 
Сеючыя ізь сьлізою пажнуць із радасьцяй.

Ідучы ідуць і плачуць, несучы зерне на пасеў. Вяртаючыся ж, ідуць з радасцю, несучы свае снапы.
 
Ідзець а йдзець із плачам нясучы сяўню сяўбы, прыйдзе а прыйдзе з пацехаю нясучы снапы свае.