Псалтыр 149 псалом

Псалтыр
Пераклад Чарняўскага 2017 → Пераклад Яна Станкевіча

 
 

Алілуя. Спявайце Госпаду песню новую, хвала Яму [гучыць] на зборы святых.
 
Галілуя! Пяіце СПАДАРУ новую песьню; хвала Яму ў збору дабрачэсьлівых.

Хай узвесяліцца Ізраэль з Тым, Хто стварыў яго, і сыны Сіёна хай узрадуюцца з Валадарствам сваім.
 
Няхай Ізраель цешыцца ў Тым, хто Яго ўчыніў; няхай сынове Сыёну вяселяцца ў Каралю сваім.

Хай хваляць імя Яго ў хоры, з бубнам і цытрай спяваюць псальмы Яму,
 
Няхай хваляць імя Ягонае скокамі; няхай пяюць Яму на тамбурынах а гарпах;

бо Госпад спагадны да народа Свайго і ўганаруе Ён пакорных збаўленнем.
 
Бо СПАДАР прыяе люду Свайму і прыбірае пакорных спасеньням.

Хай цешацца святыя славаю, хай весяляцца на ложах сваіх [застольных].
 
Няхай дабрачэсьлівыя вяселяцца ў славе, няхай пяюць голасна на ложках сваіх.

Праслаўленні Бога — у глотках іх, і мячы абасечныя — у руках іх,
 
Вышыні Божыя ў горле іхным, і абаротны меч у руццэ іхнай,

каб учыніць помсту над паганамі, пакаранне над народамі,
 
Каб зьдзеяць помсту над народамі, кары над людамі,

каб у путы вязаць цароў, а князёў іх [вязаць] жалезнымі ланцугамі,
 
Спутаць каралёў іхных і пачэсных іхных скаваць ланцугамі,

каб споўніўся на іх напісаны прысуд: гэта хвала ўсім святым Яго. Алілуя.
 
Учыніць над імі напісаны суд. Гэта вялічча ўсім дабрачэсьлівым. Галілуя!