Псалтыр 149 псалом
Псалтыр
Пераклад Чарняўскага 2017 → Пераклад Аляксандара Надсана
Алілуя. Спявайце Госпаду песню новую, хвала Яму [гучыць] на зборы святых.
Алілуя! Сьпявайце Госпаду новую песьню: хвала Яго хай гучыць на зборах сьвятых.
Хай узвесяліцца Ізраэль з Тым, Хто стварыў яго, і сыны Сіёна хай узрадуюцца з Валадарствам сваім.
Хай радуецца Ізраіль у Тым, хто стварыў яго, і сыны Сыёну хай цешацца Уладаром сваім;
Хай хваляць імя Яго ў хоры, з бубнам і цытрай спяваюць псальмы Яму,
хай хваляць імя Яго карагодамі, хай пяюць Яму пад гукі бубнаў і гусьляў!
бо Госпад спагадны да народа Свайго і ўганаруе Ён пакорных збаўленнем.
Бо Госпад спагадае народу свайму і ўзвышае лагодных збаўленьнем.
Хай цешацца святыя славаю, хай весяляцца на ложах сваіх [застольных].
Усхваляцца сьвятыя ў славе, і ўзрадуюцца на ложах сваіх:
Праслаўленні Бога — у глотках іх, і мячы абасечныя — у руках іх,
узьвялічваньне Бога на вуснах іх, і мячы двусечныя ў руках іх,
каб учыніць помсту над паганамі, пакаранне над народамі,
каб учыніць адплату паганам і пакараньне народам,
каб у путы вязаць цароў, а князёў іх [вязаць] жалезнымі ланцугамі,
зьвязаць уладароў іх путамі, а вяльможаў іх кайданамі жалезнымі,
каб споўніўся на іх напісаны прысуд: гэта хвала ўсім святым Яго. Алілуя.
каб споўніць над імі прысуд напісаны. Гонар гэты будзе ўсім сьвятым Яго.
