Псалтыр 5 псалом
Псалтыр
Пераклад Чарняўскага 2017 → Пераклад Аляксандара Надсана
Кіраўніку хору. На флейце. Псальм Давідаў.
Кіраўніку хору. На духавых прыладах. Псалом Давіда.
Словы мае пачуй, Госпадзе; зразумей стагнанне маё,
Да словаў маіх прыслухайся, Госпадзе, зразумей крык мой;
узваж на голас клічу майго, Валадару мой і Божа мой! Бо я малю Цябе, Госпадзе:
будзь уважлівы да голасу маленьня майго, Уладару мой і Божа мой! Бо да Цябе, Госпадзе, памалюся.
раніцаю выслухай голас мой; раніцаю стану я перад Табою і буду чакаць.
На досьвітку пачуй голас мой, на досьвітку стану перад Табою і буду назіраць.
Бо Ты не такі Бог, якому падабалася б несправядлівасць, ліхі не паселіцца пры Табе,
Бо Ты не такі Бог, што жадае беззаконьня: нягоднік не паселіцца пры Табе,
і несправядлівыя не застаюцца перад вачамі Тваімі. Ненавідзіш Ты ўсіх, што чыняць беззаконнасць,
дый беззаконныя не ўстаяць перад Тваімі вачыма. Ты неўзьлюбіў усіх, што чыняць беззаконьне;
выгубіш усіх, якія гавораць няпраўду; мужам, прагным крыві і крывадушным, брыдзіцца Госпад.
Ты зьнішчыш усіх, што кажуць няпраўду: Госпад цураецца мужа крыві і няшчырага.
А я вось у мностве міласэрнасці Тваёй увайду ў дом Твой; пакланюся святому храму Твайму ў страху Тваім.
Я ж з вялікай ласкі Тваёй увайду ў дом Твой, пакланюся сьвятому храму Твайму ў страху перад Табою.
Вядзі мяне ў справядлівасці Тваёй дзеля ворагаў маіх, выраўняй дарогу Тваю перад маімі вачамі.
Госпадзе, у справядлівасьці Тваёй вядзі мяне, дзеля ворагаў маіх выраўнуй шлях мой перад Табою.
Бо ў вуснах іх няма праўды, сэрца іх — пастка, горла іх — магіла адкрытая, робяць ліслівымі яны языкі свае.
Бо ў вуснах іх няма праўды, сэрца іх пустое, горла іх — магіла адкрытая, языкамі сваімі лісьлівілі.
Асудзі іх, Божа; хай прападуць ад задум сваіх; дзеля мноства злачынстваў іх выгані іх, бо яны ўгнявілі Цябе, Госпадзе.
Судзі іх, Божа, хай абернуцца ў нішто намеры іх, дзеля безьлічы бясчынстваў іх адкінь іх, бо яны засмуцілі Цябе, Госпадзе.
Пацешацца ўсе, што спадзяюцца на Цябе, будуць радавацца яны вечна. І ўмацуеш іх, і будуць ганарыцца Табою тыя, якія мілуюць імя Тваё.
І хай узрадуюцца ўсе, што спадзяюцца на Цябе: яны будуць цешыцца давеку, і Ты паселісься сярод іх. І хваліцца будуць Табою ўсе, што любяць імя Тваё.
Бо Ты дабраслаўляеш справядлівага, Госпадзе, і добразычлівасцю, быццам шчытом, асланяеш яго наўкола.
Бо Ты, Госпадзе, блаславіш праведніка: быццам шчытом спагады Ты вянчаў нас.
