Псалтыр 7 псалом
Псалтыр
Пераклад Чарняўскага 2017 → Пераклад Аляксандара Надсана
Жальба Давіда, якую выспеваў перад Богам дзеля Куша Бэньямінава.
Псалом Давіда, што сьпяваў Госпаду з прычыны справы Хуса, сына Яменеевага.
Госпадзе, Божа мой, на Цябе спадзяюся; уратуй мяне ад усіх тых, што чыняць мне пераследы, і вызвалі мяне,
Госпадзе, Божа мой, на Цябе ўсклаў я надзею: ратуй мяне ад усіх, што перасьледуюць мяне, і збаў мяне,
каб не схапіў хто, як леў, душы маёй, разрываючы яе, пакуль няма Таго, Хто ўратаваў бы.
каб часам хто, як леў, не схапіў душу маю, калі ня стане нікога, хто вызваліў бы, ані хто ўратаваў бы мяне.
Госпадзе Божа мой, калі ўчыніў я нешта, калі ёсць няпраўда ў руках маіх,
Госпадзе, Божа мой, калі я што зрабіў, калі ёсьць няправеднасьць у руках маіх,
калі вярнуў я [благое] тым, што мне аддавалі назад благое, калі ўшанаваў непрыяцеля свайго марнага, дараваўшы яму,
калі я адплаціў злом тым, што чыняць мне зло, то хай зьняможаны паду ад ворагаў маіх,
няхай вораг чыніць пераслед душы маёй, і схопіць, і растопча па зямлі жыццё маё і славу маю перакіне ў попел.
хай вораг перасьледуе душу маю і схопіць яе, хай жыцьцё маё затопча ў зямлю, а славу маю аберне ў пыл.
Паўстань, Госпадзе, у гневе Тваім і ўзнясіся супраць лютасці непрыяцеляў маіх, і паўстань, Божа мой, на судзе, які Ты запавядаў.
Устань, Госпадзе, у гневе Тваім, узьнясіся над межамі ворагаў Тваіх. Уздыміся, Госпадзе, Божа мой, згодна з запаветам, які Ты ўстанавіў,
І хай сход народаў акружыць Цябе, і над ёю вярніся ізноў на вышыню:
і збор людзей стане вакол Цябе, а Ты над імі ўзыдзі на вышыню!
Госпад судзіць народы. Судзі мяне, Госпадзе, паводле справядлівасці маёй і паводле незласлівасці маёй, якая ёсць ўва мне.
Госпад будзе судзіць народы. Судзі мяне, Госпадзе, паводле праведнасьці маёй і нявіннасьці маёй, што ўва мне.
Хай спыніцца зласлівасць грэшнікаў, а справядлівага ўмацуй, справядлівы Божа, што пранікаеш у сэрцы і ўлонні.
Хай сунімецца злосьць грэшнікаў, а праведніка павядзеш Ты, Божа, што выпрабоўваеш сэрцы і нутро.
Успамога мая — у Бога, Які ратуе шчырых сэрцам.
Праўдзівая дапамога мая ад Бога, які ратуе праведных сэрцам.
Бог — Суддзя справядлівы і магутны, гневаецца штодня,
Бог — судзьдзя справядлівы, і магутны, і доўгацярплівы, Ён не палае гневам штодня.
Ці не агаліў Ён ізноў меч Свой, ці не нацягнуў лук Свой і не падрыхтаваў яго?
Калі не навернецеся, Ён пачысьціць меч свой; Ён нацягнуў лук свой, і падрыхтаваў яго,
І падрыхтаваў Ён Сабе смяротную зброю, стрэлы Свае зрабіў агнявымі.
і нарыхтаваў у ім прыладу сьмерці, стрэлы свае вогненнымі зрабіў.
Вось [чалавек]: затаіў у сабе несправядлівасць — даў пачатак жалю — спарадзіў няпраўду;
Вось чалавек занядужаў няправеднасьцю, зацяжараў злосьцю і нарадзіў беззаконьне.
пачаў капаць катлаван і выкапаў яго, і ўваліўся ў яму, якую зрабіў.
Капаў ён роў, выкапаў яго і сам упадзе ў яму, якую выкапаў.
Абернецца жаль яго на галаву яго, а зласлівасць яго спадзе на патыліцу яго.
Злосьць яго на галаву яго абернецца, а няправеднасьць яго спадзе на цемя яму.
Спавядаюся Госпаду паводле справядлівасці Яго і буду спяваць псальмы імю Госпада Найвышэйшага.
Буду дзякаваць Госпаду за Яго справядлівасьць, буду апяваць імя Госпада Усявышняга.
